ENGLISH
03 އޭޕްރީލު 2025
ބޭންކްގެ ހުރިހާ ހިދުމަތެއް ޑިޖިޓަލައިޒްކުރުމުގެ މަސައްކަތްދަނީ ކުރަމުން: ބީއެމްއެލްގެ ސީއީއޯ
24 މާރިޗު 2025
|
ބީއެމްެލްގެ ސީއީއޯ މުޙައްމަދު ޝަރީފް--ފޮޓޯ:ބީއެމްއެލް
އެންމެ މަޤްބޫލު
ބޭންކް އޮފް މޯލްޑިވްސް (ބީއެމްއެލް) އިން މިހާރު މަސައްކަތް ކުރަމުންދަނީ ބޭންކުގެ ބްރާންޗުތަކަށް ނުގޮސް، ޑިޖިޓަލްކޮށް ހުރިހާ ހިދުމަތެއް ފޯރުކޮށްދިނުން ކަމަށް އެބޭންކްގެ ސީއީއޯ މުޙައްމަދު ޝަރީފް ވިދާޅުވެއްޖެއެވެ.
ދިވެހިރާއްޖޭގެ ހުރިހާ ރަށެއްގައި ބީއެމްއެލްގެ އޭޓީއެމްގެ ހިދުމަތް ދިނުމަށް ފަށާފައިވާ މަޝްރޫއުގެ ތެރެއިން ހއ. މާރަންދޫގައި އޭޓީއެމްގެ ހިދުމަތް ފެށުމަށް ބޭއްވި ހަފްލާގައި ވާހަކަދައްކަ ވަމުން، ބޭންކްގެ ސީއީއޯ ޝަރީފް ވިދާޅުވީ، ބީއެމްއެލްގެ ހުރިހާ ހިދުމަތެއް ޑިޖިޓަލައިޒް ކުރުމަށް މިހާރުވެސް ގިނަ މަސައްކަތްތަކެއް ކުރެވި، ގިނަ ލަނޑުދަނޑިތަކެއްވެސް ހާސިލްވެފައިވާ ކަމުގައެވެ.
ރާއްޖޭގެ ހުރިހާ ހިސާބުތަކުގައި ދިރިއުޅޭ ރައްޔިތުންނަށްވެސް، ބޭންކިންގ ގެ ހިދުމަތްތައް ފަސޭހައިން ލިބޭނެ އިންތިޒާމު ހަމަޖެއްސުމަކީ، ބީއެމްއެލްގެ އެންމެ ބޮޑުއެއް އަމާޒުކަމަށް ސީއީއޯ ފާހަގަކުރައްވާފައިވެއެވެ.
އޭޓީއެމްގެ ހިދުމަތް މުޅިރާއްޖޭގެ ހުރިހާ ރަށަކަށް ފުޅާކުރުމުގެ މަޝްރޫއުގެ ދަށުން މިއަހަރު ރާއްޖޭގައި 250 އަށްވުރެ ގިނަ އޭޓީއެމް ގާއިމް ކުރެވޭނެކަމަށާއި އަދި ހުރިހާ ރަށަކުން އޭޓީއެމްގެ ހިދުމަތް މިއަހަރު ނިމުމުގެ ކުރިން ލިބޭނެކަމަށް ބީއެމްއެލްއިން މައުލޫމާތުދެއެވެ.