ENGLISH
04 އޭޕްރީލު 2025
ޕެނަލްޓީގައި ކާމިޔާބު ހޯދައި، ފްރާންސް އާއި ސްޕެއިން ސެމީ އަށް
24 މާރިޗު 2025
|
މެޗަށްފަހު ފްރާންސްގެ ކުޅުންތެރިން އުފާ ފާޅުކުރަނީ. --ފޮޓޯ: ރޮއިޓާސް
އެންމެ މަޤްބޫލު
ޔުއެފާ ނޭޝަންސް ލީގުގެ ކުއާޓަރ ފައިނަލުގެ ދެވަނަ ލެގުގައި ރޭ ކުޅުނު މެޗުތަކުން ޕެނަލްޓީގައި ކާމިޔާބު ހޯދައި، ފްރާންސް އާއި ސްޕެއިނުން އެ މުބާރާތުގެ ސެމީ ފައިނަލަށް ދަތުރުކޮށްފިއެވެ.
ފްރާންސްގެ ދަނޑުގައި ކުޅުނު މެޗުގެ ދެވަނަ ހާފުގައި މައިކަލް އޮލީސޭ އާއި އޮސްމާނޭ ޑެމްބެލޭ ކާމިޔާބުކޮށްދިން ލަނޑުތަކުން ދެ މެޗުގެ އެގްރިގޭޓު 2-2 އިން އެއްވަރުވެ، ފުރިހަމަ ވަގުތު ހަމަވިއިރު ނަތީޖާ ބަދަލުނުވުމުން ކުޅުނީ އިތުރު ވަގުތުގެ 15 މިނެޓުގެ ދެ ހާފެވެ. އިތުރު ވަގުތުގެ ތެރޭގައި ދެ ޓީމަށް ގޯލެއް ކާމިޔާބުކުރެވޭގޮތް ނުވުމުން ދެން ޖެހުނީ ޕެނަލްޓީ ޖަހާށެވެ. ޕެނަލްޓީގައި ކްރޮއޭޝިއާގެ މައްޗަށް ފްރާންސުން ކުރި ހޯދީ 5-4 އިންނެވެ.
ޕެނަލްޓީ ޝޫޓްއައުޓްގައި ދެ ޓީމު ފުރަތަމަ ފޮނުވާލި ފަސް ޕެނަލްޓީގެ ތެރެއިން ކާމިޔާބުކުރެވުނީ އެންމެ ތިން ޕެނަލްޓީ އެވެ. އޭގެފަހުން، ދެ ޓީމުން ފޮނުވާލި ދެ ޕެނަލްޓީގެ ތެރެއިން ފްރާންސް ވަނީ އެ ދެ ޕެނަލްޓީ ވެސް ކާމިޔާބުކޮށްފައެވެ. މެޗުގައި ކްރޮއޭޝިއާ އިން ފޮނުވާލި ދެ ޕެނަލްޓީ ފްރާންސްގެ ކީޕަރު، މައިކް މައިގްނޯން ވަނީ މަތަކޮށްފައެވެ.
މި މުބާރާތުގައި ރޭ ކުޅުނު އަނެއް މެޗުގެ ފުރިހަމަ ވަގުތު ހަމަވިއިރު 2-2 އިން ނެދަލެންޑްސްއާ ސްޕެއިން އެއްވަރުވެ، އިތުރު ވަގުތުގެ ކުޅުމަށް ފަހު 3-3 އިން ވަނީ އެއްވަރުވެފައެވެ.
ރޭގެ މެޗުގައި ސްޕެއިނުގެ ލަނޑުތައް ޖަހައިދިނީ މިކޭލް އޮޔަޒަބާލް ދެ ގޯލާއި، ލަމީން ޔަމާލް އެވެ. ނެދަލެންޑްސްގެ ލަނޑުތައް ޖެހީ މެމްފިސް ޑިޕާއީ، އިއާން މާޓްސެން އާއި ޒަވީ ސިމޮންސް އެވެ.
ޕެނަލްޓީ ޖަހައިގެން ނެދަލެންޑްސް އަތުން ސްޕެއިން މޮޅުވީ ވެސް 5-4 އިންނެވެ. ޕެނަލްޓީ ޝޫޓްއައުޓްގައި ސްޕެއިނަށް ނާކާމިޔާބުވީ އެންމެ ޕެނަލްޓީއެކެވެ. އެއީ، ޔަމާލްގެ ޕެނަލްޓީ އެވެ. ނެދަލެންޑްސްގެ ނޯއާ ލޭންގްގެ ޕެނަލްޓީ ހުރަސްދަނޑިއަށް އަމާޒުވިއިރު، ޑޮންޔެލް މަލެން ފޮނުވާލި ޕެނަލްޓީ ސްޕެއިނުގެ ކީޕަރު، އުނާއި ސިމޯން ހުއްޓުވިއެވެ.
މުބާރާތުގެ ސެމީގައި ސްޕެއިންއާ ފްރާންސް ބައްދަލުކުރާ މެޗު ކުޅުމަށް ހަމަޖެހިފައިވަނީ އަންނަ ޖޫން މަހުގެ ފަސްވަނަ ދުވަހު އެވެ. މި މެޗު ކުޅޭނީ ޖަރުމަންގެ ސްޓުޓްގާޓްގައެވެ.