އިންޑިޔާގެ މަޝްހޫރު ޑައިރެކްޓަރު ކަރަން ޖޯހަރު އަލަށް ރާއްޖެ ޒިޔާރަތްކޮށް، ރާއްޖޭގެ ރީތިކަން ދައްކުވައިދޭގޮތަށް އިންސްޓަގްރާމްގައި ޕޯސްޓު ކުރި ފޮޓޯތައް ވައިރަލްވެއްޖެއެވެ.

ކަރަންގެ އިންސްޓަގްރާމްގައި ރާއްޖޭގެ މަންޒަރުތަކާއި އޭނާގެ ޗުއްޓީގެ ތަޖުރިބާތައް ހިއްސާކޮށްފައިވެއެވެ.

ކަރަން ރާއްޖެ އައިސް ހުރީ ޖުމައިރާ އޮޅަހިލި ރިސޯޓުގައެވެ. އެ ރިސޯޓުގެ ފުރިހަމަ މެހަމާންދާރީއަށް ކަރަންވަނީ ޝުކުރު އަދާކޮށްފައެެވެ. ދެވަނަ ފަހަރަށް ރާއްޖެއަށް އަންނަން ބޭނުންވާނެކަމަށް ވެސް ކަރަން އޭނާގެ އިންސްޓަގްރާމްގައި  ބުނެފައިވެއެވެ.

ކަރަން ފަދަ މަޝްހޫރު ޑައިރެކްޓަރެއް ރާާއްޖޭގެ ފޮޓޯތައް އިންސްޓަގްރާމްގައި ހިއްސާކުރުމާއެކު މި ފޮޓޯތައް ވައިރަލް ވެގެންދިޔުމުން ރާއްޖޭގެ ފަތުރުވެރިކަން ކުރިއަރައިގެންދާނެކަމަށް ބެލެވެއެވެ.