ENGLISH
03 އޭޕްރީލު 2025
"ދިވެހިންގެ އުފެއްދުންތެރިކަމުގެ މަޢުރަޒު 2025" ގައި ބައިވެރިވުމަށް އިތުރު ފަހި ގޮތްތަކެއް
21 މާރިޗު 2025
|
ބީސީސީން ކުރިއަށް ގެންދިޔަ ފަންނު އެކްސްޕޯ 2019 ބައިވެރިކޮށްފައިހުރި ދިވެހި އުފެއްދުންތަކެއް-- ފޮޓޯ/ބީސީސީ
އެންމެ މަޤްބޫލު
އަންނަ މެއި މަހު ބާއްވާ ގައުމީ މައުރަޒު "ދިވެހިންގެ އުފެއްދުންތެރިކަމުގެ މަޢުރަޒު 2025" ގައި ބައިވެރިވުމަށް އިތުރު ފަހި ފުރުސަތުތަކެއް ބިޒްނަސް ސެންޓަރ ކޯޕަރޭޝަން (ބީސީސީ) އިން ހުޅުވާލައިފިއެވެ.
ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އިސްނެންގެވުމާއި އިރުޝާދުގެ ދަށުން، އިގްތިސޯދީ ތަރައްގީ އާއި ވިޔަފާރިއާ ބެހޭ ވުޒާރާގެ ލަފަޔާއެކު ކުރިއަށްގެންދާ މި މައުރަޒު ބޭއްވުމަށް ހަމަޖެހިފައިވަނީ މި އަހަރުގެ މެއި މަހުގެ 23 އިން 31 އަށް ހުޅުމާލޭ ސެންޓްރަލް ޕާކުގައެވެ.
ބީސީސީން ބުނީ، އެ ކޯޕަރޭޝަނުން ގެންނަން ނިންމި ބަދަލުތަކާ އެކު، އެ މައުރަޒުގައި ބައިވެރިވާ ފަރާތްތަކަށް ބޭނުން އަދަދަކަށް ތަކެތި ބައިވެރިކުރެވޭނެ ކުރެވޭނެ ކަމަށެވެ. ކުރިން އޮތީ މައުރަޒުގައި ބައިވެރިވާ ކޮންމެ ފަރާތަކަށްވެސް 15 ބާވަތެއްގެ އުފެއްދުން ބައިވެރި ކުރެވޭ ގޮތަށެވެ.
މީގެއިތުރުން، އީ-ގަވް މެދުވެރިކޮށް އޮންލައިންކޮށް ފޯމު ހުށަހަޅައިގެން މި މައުރަޒުގައި ބައިވެރިވުމުގެ ފުރުސަތު މިހާރު ހުޅުވާލާފައިވާއިރު، އީމެއިލްގެ ޒަރީއާއިން ނުވަތަ ބީސީސީގެ ހެޑް އޮފީހަށް ނުވަތަ އަތޮޅުގެތޭގެ ކޮންމެ ބިޒްނަސް ސެންޓަރަކަށް ފޯމު ހުށަހެޅުމުން ވެސް ފޯމް ބަލައިގަނެވޭނެ ކަމަށް އެ ކޯޕަރޭޝަނުން ބުނެފައިވެ އެވެ.
ދިވެހިންގެ އުފެއްދުންތެރިކަމުގެ މައުރަޒަކީ ދިވެހި އުފެއްދުންތެރިންގެ މަސައްކަތް ދައްކާލުމަށް ބާއްވާ މައުރަޒެއްގެ އިތުރުން، ވިޔަފާރިތައް ކުރިއެރުވުމަށް ބޭނުންވާ ގިނަ ފުރުސަތުތަކެއް ފަހި ކޮށްދިނުމުގެ މަގުސަދުގައި ކުރިއަށް ގެންދާ ހަރަކާތެކެވެ.
ރާއްޖޭގައި މިހާތަނަށް ބޭއްވޭ އުފެއްދުންތެރިކަމުގެ އެންމެ ބޮޑު، މި މައުރަޒުގައި ދިވެހިވަންތަ ޒަމާންވީ އުފެއްދުންތަކުގެ އިތުރުން ޒަމާނީ ފަހުގެ ދިވެހި އުފެއްދުންތަކާއި، ހުނަރުވެރި ދިވެހީންގެ ސުމޭކު އުފެއްދުންތަކާއި މުނިފޫހިފިލުވުމުގެ ދާއިރާގެ އުފެއްދުންތަކާއި ހުށަހެޅުންތަކަށްވެސް ޖާގަ ދިނުމަށް ހަމަޖެހިފައިވެ އެވެ.