ENGLISH
04 އޭޕްރީލު 2025
ޔުވެންޓަސް ބަލިކޮށް، އެޓަލާންޓާ ތިންވަނައިގައި ހަމަޖެހިލައިފި
10 މާރިޗު 2025
|
ޔުވެންޓަސް ކޮޅަށް ލަނޑު ޖެހުމަށްފަހު އެޓަލާންޓާގެ ކުޅުންތެރިން އުފާ ފާޅުކުރަނީ. --ފޮޓޯ: ރޮއިޓާސް
އެންމެ މަޤްބޫލު
އިޓާލިއަން ލީގުގައި ރޭ ކުޅުނު މެޗުގައި ޔުވެންޓަސް އަތުން 4-0 އިން ހޯދި ބޮޑު މޮޅާ އެކު، އެޓަލާންޓާ އިން ތާވަލްގެ ތިންވަނައިގައި ހަމަޖެހިލައިފިއެވެ.
މިއީ 1967 ވަނަ އަހަރުގެ ފަހުން، ލީގުގައި ޔުވެންޓަސްގެ ދަނޑުގައި އެ ޓީމު މިހާ ތަފާތު ބޮޑު ނަތީޖާއަކުން ބަލިވި ފުރަތަމަ ފަހަރެވެ. މިއާއެކު، ލީގުގައި އެ ޓީމުން ދަމަހައްޓަމުންއައި މޮޅުވުމުގެ ސިލްސިލާ އަށް ވަނީ ނިމުމެއް އައިސްފައެވެ.
މި ނަތީޖާއާއެކު، އެޓަލާންޓާ ވަނީ 28 މެޗުން 58 ޕޮއިންޓް ހަމަކޮށް، ހަތަރުވަނައިގައި އުޅޭ ޔުވެންޓަސް އަށް ވުރެ ހަ ޕޮއިންޓް އިތުރަށް ހޯދައިފައެވެ. ލީގުގެ އެއްވަނައިގައި އުޅޭ އިންޓަރ މިލާނަށް 61 ޕޮއިންޓް ލިބިފައިވާއިރު، އެއް ޕޮއިންޓް ފަހަތުން ދެވަނައިގައި އޮތީ ނަޕޯލީ އެވެ.
ޔުވެންޓަސްގެ އެލިއާންޒް ސްޓޭޑިއަމްގައި ކުޅުނު މެޗުގައި އެޓަލާންޓާގެ ލަނޑުތައް ޖަހައިދިނީ މަޓެއޯ ރެޓޭގީ، މާޓެން ޑެ ރޫން، ޑެވިޑޭ ޒަޕަކޮސްޓާ އާއި އަޑެމޯލާ ލުކްމަން އެވެ.
މީގެތެރެއިން، އިޓަލީ ފޯވާޑް، ރެޓޭގީ ލަނޑުޖެހީ ލިބުނު ޕެނަލްޓީއަކުންނެވެ. މިއީ ޕެނަލްޓީ އޭރިޔާ ތެރެއިން ޔުވެންޓަސްގެ އެމެރިކާ މިޑްފީލްޑަރު، ވެސްޓަން މެކެނީ އަތުގައި ބޯޅައިން ޖެހުމުން ރެފްރީ ދިން ޕެނަލްޓީއެކެވެ.
ލީގުގައި ރޭ ކުޅުނު އަނެއް މެޗުގައި އެމްޕޯލީގެ ދަނޑުގައި އެ ޓީމު އަތުން ރޯމާ މޮޅުވީ 1-0 އިންނެވެ.