ENGLISH

04 އޭޕްރީލު 2025

Advertisement

ލެސްޓަރ ބަލިކޮށް، ޗެލްސީ ހަތަރުވަނަ އަށް

09 މާރިޗު 2025

|

މުޙައްމަދު އަދުހަމް

ޗެލްސީގެ ކުޅުންތެރިން އުފާ ފާޅުކުރަނީ. --ފޮޓޯ: ރޮއިޓާސް

އިނގިރޭސި ޕްރިމިއަރ ލީގުގައި މިރޭ ލެސްޓަރ ސިޓީ 1-0 އިން ބަލިކޮށް، ޗެލްސީން ތާވަލްގެ ހަތަރު ވަނަ އަށް ޖެހިލައިފިއެވެ.

ޗެލްސީގެ ދަނޑުގައި ކުޅުނު މެޗުގައި ފެނިގެންދިޔަ ހަމައެކަނި ލަނޑު، ދެވަނަ ހާފުގައި އެ ޓީމަށް ކާމިޔާބުކޮށްދިނީ ސްޕެއިނުގެ ޑިފެންޑަރު، މާކް ކުކުރޭޔާ އެވެ.

މެޗުގެ ފުރަތަމަ ހާފުގައި ޗެލްސީ އަށް ލީޑު ނަގައިދޭން އިނގިރޭސި މިޑްފީލްޑަރު، ކޯލް ޕާމާ އަށް ލިބުނު ޕެނަލްޓީއަކުން ފޮނުވާލި ބޯޅަ ލެސްޓަރގެ ގޯލްކީޕަރު، މެޑްސް ހާމަންސަން ވަނީ މަތަކޮށްފައެވެ.

މި މޮޅާއެކު، ޗެލްސީ ވަނީ ލީގުގެ ހަތަރުވަނަ އަށް ކުރިއަށް ޖެހިލައިފައެވެ. އެ ޓީމަށް 28 މެޗުން ލިބިފައިވަނީ 49 ޕޮއިންޓެވެ.

މި މެޗުން ބަލިވި ލެސްޓަރ އުޅެނީ ފުލުން ދެވަނައިގައެވެ. އެ ޓީމަށް ލިބިފައިވަނީ 17 ޕޮއިންޓެވެ.

ލީގުގައި މިރޭ ކުޅުނު އަނެއް މެޗުގައި ޓޮޓްނަމް ހޮޓްސްޕަރގެ ދަނޑުގައި އެ ޓީމު ވަނީ 2-2 އިން ބޯންމަތުއާ އެއްވަރުވެފައެވެ.

ކިޔުންތެރިންގެ ހިޔާލު