އެންބީއޭގައި މިއަދު ކުޅުނު މެޗުގައި ބޮސްޓަން ސެލްޓިކްސް އަތުން 111-101 އިން ލޮސް އެންޖެލިސް ލޭކާސް ބަލިވިއިރު، އެ ޓީމުގެ ތަރި، ލެބްރޮން ޖޭމްސް އަށް އަނިޔާވެއްޖެއެވެ.

ބޮސްޓަންގެ ޓީޑީ ގާޑެންގައި ކުޅުނު މެޗުގެ ފުރަތަމަ ކުއާޓާގައި ދެ ޓީމު 33-33 އިން އެއްވަރުވި ނަމަވެސް، ސެލްޓިކްސް ވަނީ ދެންޖެހިގެންއައި ދެ ކުއާޓާގައި ކުރިހޯދައިފައެވެ.

ދެވަނަ ކުއާޓާގައި ސެލްޓިކްސް 25-21 އިން ކުރިހޯދިއިރު، ތިންވަނަ ކުއާޓާގައި 29-13 އިން ނެގި ބޮޑު ލީޑާއެކު އެ ޓީމުން މެޗުގެ ކޮންޓްރޯލް ނެގިއެވެ. ސެލްޓިކްސް އިން ނަގާފައި އޮތް 20 ޕޮއިންޓްގެ ފަރަގުކުޑަކޮށް، ލޭކާސް އިން ފަހު ކުއާޓާގައި 34-24 އިން ކުރިހޯދިނަމަވެސް، މެޗު ކާމިޔާބުކުރެވޭ ގޮތެއް ނުވިއެވެ. ސެލްޓިކްސް އިން މެޗު ނިންމާލީ 10 ޕޮއިންޓްގެ ފަރަގަކުންނެވެ.

މި މެޗުގައި ސެލްޓިކްސް މޮޅުކޮށްދިނުމުގައި އިސް ދައުރެއް އަދާކުރި، ޖޭސަން ޓޭޓަމް ވަނީ 40 ޕޮއިންޓާއެކު، 12 ރީބައުންޑް ނަގައި ޑަބަލް-ޑަބަލްއެއް ފުރިހަމަކޮށްފައެވެ. ދެން އެންމެ ރަނގަޅަށް ކުޅުނު ޖޭލެން ބްރައުން ވަނީ 31 ޕޮއިންޓް އެއްކޮށްފައެވެ.

ލޭކާސްގެ ކުޅުންތެރިންގެ ތެރެއިން ލޫކާ ޑޮންޗިޗް 34 ޕޮއިންޓް އެއްކުރިއިރު، ޖޭމްސް ވަނީ 22 ޕޮއިންޓާއެކު 14 ރީބައުންޑް ނަގައި، ޑަބަލް-ޑަބަލްއެއް ފުރިހަމަކޮށްފައެވެ.