ފްރެންޗް ލީގުގައި ރެނޭސް އަތުން 4-1 ގެ ނަތީޖާ އަކުން މޮޅުވެ ތާވަލްގެ ކުރީގައި 16 ޕޮއިންޓްގެ ލީޑެއް ޕީއެސްޖީ ނަގައިފިއެވެ.

މި ނަތީޖާއާ އެކު، ޕީއެސްޖީ އެއްވަނައިގައި އޮތީ 25 މެޗުން 65 ޕޮއިންޓް ހަމަކޮށްގެންނެވެ. ދެވަނައިގައި އޮތް މާސޭ އަށް ލިބިފައިވަނީ 49 ޕޮއިންޓެވެ. ނީސް އަށް 46 ޕޮއިންޓާ އެކު ލިބިފައިވަނީ ތިންވަނަ އެވެ.

ރެނޭސްގެ ދަނޑުގައި ކުޅުނު މެޗުގައި ޕީއެސްޖީން ޖެހި ހަތަރު ލަނޑުގެ ތެރެއިން ދެ ގޯލް ޖަހައިދިނީ ފްރާންސްގެ ވިންގް، އޮސްމާނޭ ޑެމްބެލޭ އެވެ. އެ ޓީމުގެ އަނެއް ލަނޑުތައް ޖަހައިދިނީ ބްރެޑްލީ ބާކޯލާ އާއި ގޮންސާލޯ ރާމޯސް އެވެ.

ރެނޭސްގެ ހަމައެކަނި ލަނޑުޖެހީ ލިލިއަން ބްރަސީއާ އެވެ.

ލީގުގައި ރޭ މާސޭގެ ދަނޑުގައި އެ ޓީމު ކުޅުނު މެޗުން ލޯންސް އަތުން ބަލިވީ 1-0 އިންނެވެ.