ENGLISH
04 އޭޕްރީލު 2025
އިންޓަރ މޮޅުވެ، ހަތަރު ޕޮއިންޓްގެ ލީޑެއް
09 މާރިޗު 2025
|
އިންޓަރ މިލާނަށް ލަނޑުޖަހައިދިނުމަށްފަހު ޗައަނޮގްލޫ އުފާ ފާޅުކުރަނީ. --ފޮޓޯ: ރޮއިޓާސް
އެންމެ މަޤްބޫލު
އިޓާލިއަން ލީގުގައި ރޭ ކުޅުނު މެޗުގައި ފަހަތުން އަރައި 3-2 އިން މޮންޒާ ބަލިކޮށް، އިންޓަރ މިލާން ތާވަލްގެ ކުރީގައި ލީޑު ފުޅާކޮށްފިއެވެ.
މި މޮޅާއެކު އިންޓަރ އެއްވަނައިގައި އުޅެނީ 28 މެޗުން 61 ޕޮއިންޓް ހޯދައިގެންނެވެ. ދެވަނައިގައި 57 ޕޮއިންޓާއެކު ނަޕޯލީ އޮތްއިރު، ދެ ޕޮއިންޓް ފަހަތުން އެޓަލާންޓާ އޮތީ ތިންވަނައިގައެވެ. ޔުވެންޓަސް އޮތީ 52 ޕޮއިންޓާއެކު ހަތަރު ވަނައިގައެވެ.
އިންޓަރގެ ދަނޑުގައި ކުޅުނު މެޗުގައި ލަނޑުތައް ޖަހައިދިނީ މާކޯ އާނައުޓޮވިޗް އާއި ހަކާން ޗައަނޮގްލޫ އެވެ. އެ ޓީމުގެ އަނެއް ގޯލަކީ މޮންޒާގެ ކުޅުންތެރިއެއް އަތުން ބައިކޮޅަށް ވަތް ލަނޑެކެވެ. މޮންޒާގެ ލަނޑުތައް ޖެހީ ސެމުއެލް ބްރިންޑެލީ އާއި ކެއިޓާ ބާލްޑޭ އެވެ.
މި މުބާރާތުގައި ރޭ ކުޅުނު އަނެއް މެޗުގައި ރަށުން ބޭރުގައި ލެއްޗޭ އަތުން އޭސީ މިލާން މޮޅުވީ 3-2 އިންނެވެ.
މި ނަތީޖާއާއެކު، މިލާން ވަނީ ތާވަލްގެ އަށްވަނަ އަށް ކުރިއަށް ޖެހިލައިފައެވެ. އެ ޓީމަށް ލިބިފައިވަނީ 44 ޕޮއިންޓެވެ.