ENGLISH

04 އޭޕްރީލު 2025

Advertisement

ސައުތެމްޓަން ބަލިކޮށް، ލިވަޕޫލް 16 ޕޮއިންޓުގެ ލީޑެއް ނަގައިފި

08 މާރިޗު 2025

|

މުޙައްމަދު އަދުހަމް

ސައުތެމްޓަނާ ދެކޮޅަށް ލިވަޕޫލް ކުޅުނު މެޗުގެ ތެރެއިން. --ފޮޓޯ: ރޮއިޓާސް

އިނގިރޭސި ޕްރިމިއަރ ލީގުގައި މިރޭ ފަހަތުން އަރައި ސައުތެމްޓަން 3-1 އިން ބަލިކޮށް، ލިވަޕޫލް ތާވަލްގެ ކުރީގައި 16 ޕޮއިންޓުގެ ލީޑެއް ނަގައިފިއެވެ.

މި މޮޅާއެކު، ލިވަޕޫލް އެއްވަނައިގައި އޮތީ 29 މެޗުން 70 ޕޮއިންޓް ހޯދައިގެންނެވެ. ދެ މެޗު މަދުން ކުޅެގެން ދެވަނައިގައި އާސެނަލް އޮތީ 54 ޕޮއިންޓާއެކު އެވެ. ތިންވަނައިގައި އުޅޭ ނޮޓިންގހަމް ފޮރެސްޓަށް ލިބިފައިވަނީ 51 ޕޮއިންޓެވެ.

އެންފީލްޑްގައި ކުޅުނު މެޗުގެ ފުރަތަމަ ހާފުގެ އިތުރު ވަގުތުގެ ތެރޭގައި ސައުތެމްޓަނުން ލީޑު ނެގީ ވިލިއަމް ސްމޯލްބޯން އެވެ. މި ގޯލާއެކު އެ ޓީމުން ހާފު ނިންމާލީ 1-0 އިން ކުރީގައި އޮވެގެންނެވެ.

ދެވަނަ ހާފުގެ ކުރީކޮޅު، ޑާވިން ނޫނޭޒްގެ ލަނޑާއެކު ލިވަޕޫލް އެއްވަރުކުރިއިރު، އެ ޓީމުގެ މިސްރު ފޯވާޑް، މުޙައްމަދު ސަލާހު ވަނީ ދެ ޕެނަލްޓީން ނަތީޖާ 3-1 އަށް ބަދަލުކޮށްލާފައެވެ.

ލީގުގައި މިއަދު ހަވީރު ކުޅުނު މެޗުގައި ފޮރެސްޓްގެ ދަނޑުގައި އެ ޓީމު ވަނީ 1-0 އިން މެންޗެސްޓަރ ސިޓީ ބަލިކޮށްފައެވެ.

މި މެޗުން ބަލިވި ސިޓީ އުޅެނީ ހަތަރު ވަނައިގައެވެ. އެ ޓީމަށް ލިބިފައިވަނީ 47 ޕޮއިންޓެވެ.

ކިޔުންތެރިންގެ ހިޔާލު