ENGLISH

04 އޭޕްރީލު 2025

Advertisement

ރޯދަ މަހުގެ ފުރަތަމަ ދުވަހުވެސް ދަތުރުވެރިންގެ މާރުކޭޓު ފެންނަނީ ވަރަށް ތިޔާގިކޮށް

01 މާރިޗު 2025

|

ޢަލީ ޝާހީން

ކޮންމެ ރަމަޟާން މަހެއްގައި ވެސް މާލޭގެ ބާޒާރުމަތި ސަރަހައްދުގައި ހުންނަ ދަތުރުވެރިންގެ މާރުކޭޓު ނުވަތަ ލޯކަލް މާރުކޭޓަކީ އެންމެ ބާރުބޮޑު އެއް ސަރަހައްދަށް ވެގެންދެއެވެ. އެތަނަކީ ގިނަ ބާވަތްތަކެއްގެ މޭވާއާއި ތަރުކާރީ އަދި ފަތްޕިލާވެލީގެ ބާވަތްތައް އެއްތަނަކުން ފެނިގެންދާނެ ވިޔަފާރި މާހައުލެކެވެ.

ދަތުރުވެރިންގެ މާރުކޭޓުގައި ތަކެތީގެ އަގުތަކަށް އެންމެބޮޑު ބަދަލެއް އަންނަނީ ރަމަޟާން މަހުއެވެ. ރަމަޟާންމަހު އެންމެ ބޮޑު ޑިމާންޑެއް އޮންނަ އެކައްޗަކީ ފަތުގެ ބާވަތްތަކެވެ. އެގޮތުން ފަތުގެ ބާވަތްތަކަށް ބަލާއިރު ކޮޕީފަތް އަދި ކުއްޅަފިލާފަތަކީ މާލެ ސަރަހައްދުގައި ފާހަގަކޮށްލެވޭ އެއްޗެކެވެ. އޭގެތެރެއިންވެސް އެންމެ ބޮޑު ޑިމާންޑެއް އޮންނަނީ ކޮޕީފަތަށެވެ.

ރަމަޟާންމަހު ކޮޕީފަތުގެ ޑިމާންޑް ހުރިގޮތަށް ބަލާއިރު، މާރުކޭޓުތަކުގައި މިއަދު ކޮޕީފަތްލިބެން ހުރީ ވަރަށް މަދުންނެވެ. މާރުކެޓުގައި ކޮޕީފަތް ވަރަށް މަދުން ހުރިއިރު، ތިން ފަތުގެ ކޮޕީފަތް ބޮނޑިއެއް ލިބެން ހުރީ 20 ރުފިޔާއަށެވެ. ފަތްޕިލާވެލީގެ ބާވަތެއްކަމަށްވާ ކުއްޅަފިލާ ފަތް ހުރީ ބޮނޑިއެއް 15 ރުފިޔާގެ ރޭޓުގައެވެ.

މީގެ އިތުރުން މާރުކޭޓުން އެންމެ ތިޔާގިކޮށް އަބަދުވެސް ފެންނަންހުންނަ އެއްބާވަތަކީ ދިވެހި އަނބެވެ. ގިނަ އަދަދެއްގެ ދޮންވެފައިވާ ދިވެހި އަނބު މާރުކޭޓުގައި ހުރިއިރު ވިއްކަމުންދަނީ ކިލޯއެއް 120 ރުފިޔާއަށެވެ. ދިވެހިންގެ ތެރޭގައި ބޮޑު ޑިމާންޑެއް އޮންނަ ކަނޑޫދޫ މިރުސް 100 ގްރާމް ވިއްކަން ހުރީ 20 ރުފިޔާގެ ރޭޓުންނެވެ.  

ކިޔުންތެރިންގެ ހިޔާލު