ENGLISH
04 އޭޕްރީލު 2025
ޝެއިޚް ހަސީނާގެ ވެރިކަން ވައްޓައިލި ދަރިވަރުން ސިޔާސީ ޕާޓީއެއް އުފައްދަނީ
25 ފެބްރުއަރީ 2025
|
އެންމެ މަޤްބޫލު
ބަންގްލަދޭޝްގެ ކުރީގެ ބޮޑުވަޒީރު ޝެއިޚް ހަސީނާގެ ވެރިކަން ވައްޓައިލުމުގެ އިސްކޮށް ހަރަކާތްތެރިވި ދަރިވަރުން ސިޔާސީ ޕާޓީއެއް އުފައްދަން ނިންމައި، އެކަން އިޢުލާނުކޮށްފިއެވެ.
ބަންގްލަދޭޝްގައި އެތަކެއް ހާސް ދަރިވަރުންތަކެއް ނުކުމެ ކުރި މުޒާހަރާތަކަށްފަހު، ބޮޑުވަޒީރު ޝެއިޚް ހަސީނާގެ ވެރިކަން ވެއްޓުމުން، އިންތިޤާލީ ސަރުކާރެއް ޤާއިމުކުރީ މިދިޔަ އަހަރުގެ އޯގަސްޓު މަހުއެވެ.
އެ މުޒާހަރާތައް ރާވައި އިންތިޒާމް ކުރުމުގައި އެންމެ އިސް ދައުރެއް އަދާކުރީ ސްޓޫޑެންޓްސް އަގެއިންސްޓް ޑިސްކްރިމިނޭޝަން ޖަމްޢިއްޔާއިންނެވެ.
އެ ޖަމްޢިއްޔާގެ އިސް ތިން ލީޑަރަކު، ހަސީނާގެ ވެރިކަން ވައްޓައިލުމަށްފަހު މިހާރު ޤައިމުކޮށްފައިވާ އިންތިޤާލީ ސަރުކާރުގެ ވަޒީރުންގެ މަޖިލީހުގައި އެބަތިއްބެވިއެވެ.
ޚިޔާނާތާއި ފަސާދައިން އެއްކިބާވެ، ރައްޔިތުންނަށްޓަކައި ވެރިކަމެއް ޤާއިމުކުރުމުގެ އަޒުމުގައި އުފައްދާ ޕާޓީގެ ނަމާއި އިތުރު ތަފްޞީލުތައް އަންނަ ހުކުރު ދުވަހު ހާމަކުރާނެ ކަމަށް އެ ޖަމްޢިއްޔާގެ ލީޑަރަކު ނޫސްވެރިން ގާތު ބުންޏެވެ.
ބަންގްލަދޭޝްގައި ޢާންމު އިންތިޚާބެއް އަންނަ އަހަރުގެ ފަހުކޮޅު ނޫނީ 2026 ވަނަ އަހަރުގެ ކުރީކޮޅު ބާއްވަން މަސައްކަތް ކުރަމުން އަންނަ ކަމަށް، އެ ޤައުމުގައި މިހާރު އޮތް އިންތިޤާލީ ސަރުކާރުގެ ވެރިޔާ މުޙައްމަދު ޔޫނުސް ވަނީ ވިދާޅުވެފައެވެ.