ޖަރުމަން ލީގުގައި ރޭ ކުޅުނު މެޗުގައި އެއިންޓްރަކްޓް ފްރެންކްފާޓް 4-0 އިން ބަލިކޮށް، ބަޔާން މިއުނިކް ތާވަލްގެ ކުރީގައި ލީޑު ދަމަހައްޓައިފިއެވެ.

މި މޮޅާއެކު، ބަޔާން އެއްވަނައިގައި އޮތީ 23 މެޗުން 58 ޕޮއިންޓް ހޯދައިގެންނެވެ. ދެވަނައިގައި އޮތް ބަޔާ ލެވަކޫސަން އަށް 50 ޕޮއިންޓް ލިބިފައިވާއިރު، ފްރެންކްފާޓް އޮތީ 42 ޕޮއިންޓާއެކު ތިންވަނައިގައެވެ.

ބަޔާންގެ އެލިއާންޒް އެރީނާގައި ކުޅުނު މެޗުގައި ބަޔާނުން ޖެހި ހަތަރު ލަނޑުގެ ތެރެއިން ތިން ގޯލްޖެހީ ފަހު ހާފުގައެވެ.

ރޭގެ މެޗުގައި ބަޔާންގެ ލަނޑުތައް ޖަހައިދިނީ މައިކަލް އޮލީސޭ، ހިރޯކީ އިޓޯ، ޖަމާލް މުސިއާލާ އާއި ސާޖް ނެބްރީ އެވެ.

މި މުބާރާތުގައި ބަޔާން ދެން ނުކުންނާނީ އަންނަ ހޮނިހިރު ދުވަހު ރަށުން ބޭރުގައި ވީއެފްބީ ސްޓުޓްގާޓާ ދެކޮޅަށެވެ.