ސްޕެނިޝް ލީގުގައި ރޭ ކުޅުނު މެޗުގައި ޖިރޯނާ 2-0 އިން ބަލިކޮށް، ރެއާލް މެޑްރިޑް، ތާވަލްގެ ކުރީގައި އުޅޭ ބާސެލޯނާއާ ޕޮއިންޓްގެ ގޮތުން އެއްވަރުކޮށްފިއެވެ.

ރެއާލްގެ ސެންޓިއާގޯ ބާނެބެއުގައި ކުޅުނު މެޗުގައި އެ ޓީމުން ވަނީ ކޮންމެ ހާފެއްގައި ގޯލެއް ޖަހައިފައެވެ.

ރޭގެ މެޗުގައި ރެއާލްގެ ލަނޑުތައް ޖަހައިދިނީ ލޫކަ މޮޑްރިޗް އާއި ވިނީޝިއުސް ޖޫނިއާ އެވެ.

މި މެޗުން ބަލިވި ޖިރޯނާ އޮތީ 12 ވަނައިގައެވެ. އެ ޓީމަށް ލިބިފައިވަނީ 31 ޕޮއިންޓެވެ.

މި މުބާރާތުގައި ރޭ ކުޅުނު އަނެއް މެޗުގައި ރެއާލް ސޮސިއެޑާޑް ވަނީ 3-0 އިން ލެގަނޭސް ބަލިކޮށްފައެވެ.