ENGLISH
04 އޭޕްރީލު 2025
މެންޗެސްޓަރ ސިޓީ ބަލިކޮށް، ލިވަޕޫލް ލީޑު ފުޅާކޮށްފި
24 ފެބްރުއަރީ 2025
|
ލިވަޕޫލަށް ލަނޑު ޖަހައިދިނުމަށް ފަހު ސަލާހު (ވ) އާއި ސޮބޯޒްލާއީ އުފާ ފާޅުކުރަނީ. --ފޮޓޯ: ގެޓީ އިމޭޖަސް
އެންމެ މަޤްބޫލު
އިނގިރޭސި ޕްރިމިއަރ ލީގުގައި މެންޗެސްޓަރ ސިޓީ 2-0 އިން ބަލިކޮށް، ލިވަޕޫލުން ތާވަލްގެ ކުރީގައި 11 ޕޮއިންޓްގެ ލީޑެއް ރޭ ނަގައިފިއެވެ.
މިއީ ލީގުގައި ބަލިނުވެ ލިވަޕޫލް ފުރިހަމަކުރި 23 ވަނަ މެޗެވެ. އެ ޓީމު އެންމެ ފަހުން ބަލިވެފައިވަނީ މިދިޔަ ސެޕްޓެމްބަރު މަހު ނޮޓިންގހަމް އަތުންނެވެ.
މި މޮޅާއެކު، ލިވަޕޫލް އެއްވަނައިގައި އޮތީ 27 މެޗުން 64 ޕޮއިންޓް ހޯދައިގެންނެވެ. ދެވަނައިގައި އުޅޭ އާސެނަލަށް 53 ޕޮއިންޓް ލިބިފައިވާއިރު، ހަ ޕޮއިންޓް ފަހަތުން ތިންވަނައިގައި އޮތީ ނޮޓިންގހަމް ފޮރެސްޓެވެ. ސިޓީ އޮތީ 44 ޕޮއިންޓާއެކު ހަތަރު ވަނައިގައެވެ.
އިއްތިހާދު ސްޓޭޑިއަމްގައި ކުޅުނު މެޗުގައި ލިވަޕޫލުން ޖެހި ދެ ލަނޑު ވެސް ކާމިޔާބުކުރީ ފުރަތަމަ ހާފުގައެވެ.
ރޭގެ މެޗުގައި ލިވަޕޫލުން ލީޑު ނެގީ މިސްރުގެ ފޯވާޑް، މުޙައްމަދު ސަލާހު ވައްދާލި ލަނޑުންނެވެ. އޭގެފަހުން، ފުރަތަމަ ހާފު ނިމެންދަނިކޮށް، ލިވަޕޫލްގެ ދެވަނަ ލަނޑު ޖެހީ ޑޮމިނިކް ސޮބޯޒްލާއީ އެވެ.
މި މުބާރާތުގައި ރޭ ކުޅުނު އަނެއް މެޗުގައި ނިއުކާސަލް ޔުނައިޓެޑްގެ ދަނޑުގައި އެ ޓީމު ވަނީ 4-3 ގެ ނަތީޖާއަކުން ނޮޓިންގހަމް ބަލިކޮށްފައެވެ.