ENGLISH
04 އޭޕްރީލު 2025
ކޯލީގެ ސައްތައާ އެކު އިންޑިއާ އިން ޕާކިސްތާން ބަލިކޮށްފި
24 ފެބްރުއަރީ 2025
|
ޕާކިސްތާނާ ދެކޮޅަށް އިންޑިއާގެ ވިރާތު ކޯލީ (ކ) ކުޅެނީ. --ފޮޓޯ: ޕީސީބީ
އެންމެ މަޤްބޫލު
މިހާރު ކުރިއަށްދާ އައިސީސީ ޗެމްޕިއަންސް ޓްރޮފީގައި އިއްޔެ ކުޅުނު މެޗުގައި ވިރާތު ކޯލީ ހެދި ސައްތައާ އެކު އިންޑިއާ އިން ޕާކިސްތާން ބަލިކޮށްފިއެވެ.
މި މެޗުން އިންޑިއާ މޮޅުވީ ހަ ވިކެޓުންނެވެ.
ދުބާއީ އިންޓަރނޭޝަނަލް ކްރިކެޓް ސްޓޭޑިއަމްގައި ކުޅުނު މެޗުގެ ޓޮސް ދިމާވުމުން ޕާކިސްތާން ކުޅެން އަރައި، 49.4 އޯވަރުގެ ތެރޭގައި ހުރިހާ ކުޅުންތެރިން ނުބައިވީ 241 ލަނޑަށެވެ. އެ ޓީމުން އެންމެ ރަނގަޅަށް ކުޅުނީ 62 ލަނޑުހެދި ސައުދު ޝަކީލް އެވެ. އިންޑިއާ އިން އެންމެ ރަނގަޅަށް އުކީ ތިން ވިކެޓްނެގި ކުލްދީޕް ޔާދަވް އެވެ.
ޖަވާބުގައި ކުޅެން އަރައި، އިންޑިއާ އިން ވަނީ 42.3 އޯވަރުގެ ތެރޭގައި ހަތަރު ވިކެޓަށް 244 ލަނޑު ހަދައިފައެވެ. އިންޑިއާ އިން އެންމެ ރަނގަޅަށް ކުޅުނީ ކުރީގެ ކެޕްޓަން، ވިރާތު ކޯލީ އެވެ. އޭނާ ވަނީ ނުބައިނުވެ 111 ބޯޅައިން 100 ލަނޑު ހަދައިފައެވެ. ދެން އެންމެ ރަނގަޅަށް ކުޅުނު ޝްރެޔަސް އައްޔަރު ނުބައިވީ 56 ލަނޑަށެވެ.
މި އިނިންގްސްގައި ޕާކިސްތާނުން އެންމެ ރަނގަޅަށް އުކި ޝާހީން ޝާހް އަފްރީދީ ދެ ވިކެޓްނެގިއެވެ. މި މެޗުގެ މޮޅު ކުޅުންތެރިއަކަށް ހޮވުނީ އިންޑިއާގެ ކޯލީ އެވެ.
މުބާރާތުގައި އިންޑިއާ ދެން ކުޅޭ މެޗުގައި އަންނަ އާދީއްތަ ދުވަހު ނުކުންނާނީ ނިއު ޒީލެންޑާ ދެކޮޅަށެވެ.