ENGLISH

04 އޭޕްރީލު 2025

Advertisement

ޓީސީ އާއި އޮޑި ސްޕޯޓްސް ސެމީ އަށް

23 ފެބްރުއަރީ 2025

|

މުޙައްމަދު އަދުހަމް

ޓީސީ އާއި ވިކްޓްރީ ބައްދަލުކުރި މެޗުގެ ތެރެއިން. --ފޮޓޯ: އެފްއޭއެމް

ނަވާރަ އަހަރުން ދަށުގެ ޔޫތު ޗެމްޕިއަންޝިޕްގައި އިއްޔެ ކުޅުނު މެޗުތައް ކާމިޔާބުކޮށް، ޓީސީ ސްޕޯޓްސް ކުލަބާއި އޮޑި ސްޕޯޓްސް ކުލަބު ސެމީ ފައިނަލަށް ދަތުރުކޮށްފިއެވެ.

މުބާރާތުގެ ގްރޫޕް ބީގައި ހިމެނޭ ޓީސީން ވަނީ 6-1 ގެ ތަފާތަކުން، ވިކްޓްރީ ސްޕޯޓްސް ކުލަބު ބަލިކޮށްފައެވެ. އޮޑި ސްޕޯޓްސް ވަނީ 4-0 އިން ސުޕަ ޔުނައިޓެޑް ސްޕޯޓްސް (ސަސް) އަތުން މޮޅުވެފައެވެ.

މި ނަތީޖާއާއެކު، މި ގްރޫޕުގެ އެއްވަނައިގައި ޓީސީ އުޅެނީ ހަތް ޕޮއިންޓާއެކު އެވެ. ދެވަނައިގައި އޮތް އޮޑި ސްޕޯޓްސް އަށް ވެސް މި އަދަދަށް ޕޮއިންޓް ލިބިފައިވާއިރު، ޓީސީ އަށް ކުރިލިބެނީ ފައިދާ ގޯލްގެ ތަފާތުންނެވެ. ތިންވަނައިގައި އޮތް ސަސް އަށް ލިބުނީ ތިން ޕޮއިންޓެވެ.

ގަލޮޅު ރަސްމީ ދަނޑުގައި ރޭ ކުޅުނު މެޗުގައި ޓީސީގެ އިޔާޒް އަހުމަދު ހެޓްރިކް ހެދިއިރު، އެ ޓީމުގެ އަނެއް ލަނޑުތައް ޖަހައިދިނީ ނާއިލް ޔޫސުފް، އަލީ އައިހަމް އާއި ޔޫސުފް އިބްރާހިމް އެވެ.

ވިކްޓްރީގެ ހަމައެކަނި ލަނޑުޖެހީ ޖުމާން އަބްދުﷲ ޖަމީލް އެވެ.

މުބާރާތުގައި އިއްޔެ ހަވީރު ކުޅުނު މެޗުގައި އޮޑި ސްޕޯޓްސް އިން ޖެހި ހަތަރު ލަނޑުގެ ތެރެއިން ދެ ގޯލް ޖަހައިދިނީ އަހްޒަމް ރަޝީދެވެ. އެ ޓީމުގެ އަނެއް ދެ ލަނޑު ޖެހީ މުޙައްމަދު ރަވާޢު އާއި އަބްދުﷲ އަބްސަލް އަހުމަދު އެވެ.

ކިޔުންތެރިންގެ ހިޔާލު
23 ފެބްރުއަރީ 2025

ޑޔލ ·

ޒުވާނުންނަށް މިފަދަ މުބާރާތްތަކެއް ބޭއްވުމަކީ ދިވެހި ފުޓުބޯޅައަށް ލިބޭ ވަރަށް ވެސް މުހިންމު ކަމެއް