ENGLISH

04 އޭޕްރީލު 2025

Advertisement

ޖެނޯއާ ބަލިކޮށް އިންޓަރ އެއްވަނަ އަށް

23 ފެބްރުއަރީ 2025

|

މުޙައްމަދު އަދުހަމް

ރޭގެ މެޗުގައި ލަނޑުޖެހުމަށްފަހު އިންޓަރގެ ކެޕްޓަން، މާޓިނޭޒް އުފާ ފާޅުކުރަނީ. --ފޮޓޯ: އޭޕީ

އިޓާލިއަން ލީގުގައި ރޭ ކުޅުނު މެޗުގައި ޖެނޯއާ 1-0 އިން ބަލިކޮށް، އިންޓަރ މިލާން ތާވަލްގެ އެއްވަނަ އަށް ޖެހިލައިފިއެވެ.

މި މޮޅާއެކު، އިންޓަރ ވަގުތީގޮތުން އެއްވަނަ އަށް އެރީ 26 މެޗުން 57 ޕޮއިންޓް ހަމަކޮށްގެންނެވެ. ދެވަނައިގައި އޮތް ނަޕޯލީ އަށް 25 މެޗުން ލިބިފައިވަނީ 56 ޕޮއިންޓެވެ. ފަސް ޕޮއިންޓް ފަހަތުން ތިންވަނައިގައި އޮތީ އެޓަލާންޓާ އެވެ.

އިންޓަރގެ ސެން ސީރޯގައި ކުޅުނު މެޗުގައި ފެނިގެންދިޔަ ހަމައެކަނި ލަނޑު، 78 ވަނަ މިނެޓުގައި ކާމިޔާބުކޮށްދިނީ ކެޕްޓަން، ލަޓާރޯ މާޓިނޭޒް އެވެ. 

ލީގުގައި އިންޓަރ އަށް ދެން އޮތީ އަންނަ މާރިޗް މަހުގެ އެއްވަނަ ދުވަހު ރަށުން ބޭރުގައި ނަޕޯލީއާ ދެކޮޅަށް ކުޅެން ޖެހޭ މެޗެވެ.

މި މުބާރާތުގައި އިއްޔެ ކުޅުނު އަނެއް މެޗުގައި ޓޮރީނޯގެ ދަނޑުގައި އޭސީ މިލާން ވަނީ 2-1 އިން ބަލިވެފައެވެ. ވެނެޒިއާގެ ދަނޑުގައި އެ ޓީމު ވަނީ 0-0 އިން ލާޒިއޯއާ އެއްވަރުކޮށްފައެވެ.

ކިޔުންތެރިންގެ ހިޔާލު