ENGLISH
04 އޭޕްރީލު 2025
ލަސް ޕަލްމާސް ބަލިކޮށް ބާސާ އެއްވަނަ އަށް
23 ފެބްރުއަރީ 2025
|
ލަސް ޕަލްމާސްއާ ބާސެލޯނާ ބައްދަލުކުރި މެޗުގެ ތެރެއިން. --ފޮޓޯ: އޭޕީ
އެންމެ މަޤްބޫލު
ސްޕެނިޝް ލީގުގައި ރޭ ކުޅުނު މެޗުގައި ލަސް ޕަލްމާސް 2-0 އިން ބަލިކޮށް، ބާސެލޯނާ އިން އަލުން ތާވަލްގެ ކުރިއަށް ޖެހިލައިފިއެވެ.
ބާސެލޯނާ އިން ރޭގެ މެޗަށް ނުކުތުމުގެކުރިން، އެތުލެޓިކޯ މެޑްރިޑް ވަނީ ރަށުން ބޭރުގައި ވެލެންސިއާ ބަލިކޮށް ވަގުތީ ގޮތުން ލީގުގެ އެއްވަނަ އަށް އަރާފައެވެ. ބާސެލޯނާ އެއްވަނައިގައި އޮތީ 25 މެޗުން 54 ޕޮއިންޓް ހޯދައިގެންނެވެ. އެއް ޕޮއިންޓް ފަހަތުން ދެވަނައިގައި އެތުލެޓިކޯ އޮތްއިރު، އެއް މެޗު މަދުން ކުޅެގެން ތިންވަނައިގައި އޮތް ރެއާލް މެޑްރިޑަށް ލިބިފައިވަނީ 51 ޕޮއިންޓެވެ.
ލަސް ޕަލްމާސްގެ ދަނޑުގައި ކުޅުނު މެޗުގައި ބާސެލޯނާ އިން ޖެހި ހުރިހާ ގޯލެއްވެސް ކާމިޔާބުކުރީ ފަހު ހާފުގައެވެ.
ބާސެލޯނާ އިން ލީޑު ނެގީ 62 ވަނަ މިނެޓުގައި ލަމީން ޔަމާލް ދިން ޕާހަކުން ޑަނީ އޮލްމޯ ވައްދާލި ލަނޑުންނެވެ.
މެޗުގެ އިތުރު ވަގުތުގެ ތެރޭގައި ބާސެލޯނާގެ ދެވަނަ ލަނޑު ޖަހައިދިނީ ބަދަލު ކުޅުންތެރިއެއްގެ ގޮތުގައި ކުޅެން ނިކުތް ފެރާން ޓޮރޭސް އެވެ.
މި މުބާރާތުގައި ރޭ އެތުލެޓިކޯ ވަނީ ވެލެންސިއާގެ ދަނޑުގައި އެ ޓީމު އަތުން 3-0 އިން މޮޅުވެފައެވެ. އެތުލެޓިކޯގެ ދެ ތިން ލަނޑުގެ ތެރެއިން ދެ ގޯލްޖަހައިދިނީ އާޖެންޓީނާ ފޯވާޑް، ހޫލިއަން އަލްވަރޭޒް އެވެ. އެ ޓީމުގެ އަނެއް ލަނޑުޖެހީ އެންހެލް ކޮރިއާ އެވެ.