ENGLISH

04 އޭޕްރީލު 2025

Advertisement

ޕެރޫގެ މޯލެއްގައި ފުޑް ކޯޓުގެ ފުރާޅު ވެއްޓި 3 މީހަކު މަރުވެ، 74 މީހަކު ޒަޚަމްވެއްޖެ

22 ފެބްރުއަރީ 2025

|

ހަސަން އާމިރު

ޕެރޫގެ ޝޮޕިންގް މޯލެއްގެ ތެރޭގައި ހުރި ފުޑް ކޯޓު ސަރަޙައްދުގެ ފުރާޅު ވެއްޓި ހިނގި ހާދިސާއެއްގައި މިހާތަނަށް ތިން މީހަކު މަރުވެފައިވާ ކަމަށް ކަމާގުޅޭ އިދާރާއިން ބުނެފިއެވެ.

ޕެރޫގެ ހެލްތު މިނިސްޓްރީގެ އޮފިޝަލަކު ވިދާޅުވި ގޮތުގައި، މި ހާދިސާގައި މިހާތަނަށް މަރުވެފައިވަނީ ދެ ފިރިހެނުންނާއި އަންހެނެކެވެ.

މި ހާދިސާގައި ޒަޚަމްވެގެން 74 މީހަކަށް ހޮސްޕިޓަލުތަކުގައި ފަރުވާދެމުންދާއިރު، އޭގެ ތެރޭގައި 10 ކުޑަކުދިން ހިމެނޭކަމަށް އޭނާ ވިދާޅުވިއެވެ.

"ޒަޚަމްވި މީހުންގެ ތެރެއިން 11 މީހެއްގެ ހާލު ސީރިއަސް،" އޭނާ ވިދާޅުވިއެވެ.

މި ހާދިސާ ހިނގާފައިވަނީ ޕެރޫގެ އާބާދީ ބޮޑު ޓްރުޖިލޯ ސަރަޙައްދުގައި ހުރި ރިއަލް ޕްލާޒާ ޝޮޕިން މޯލްގައެވެ.

ފުރާޅު ވެއްޓުނު ވަގުތު، ފުޑް ކޯޓުގައި ގިނަ ބަޔަކު ކާންތިބި ކަމަށް ރިޕޯޓުތައް ބުންޏެވެ.

ވެއްޓިފައިވާ ފުރާޅުގެ ބައިތަކުގެ ދަށުން މީހުން ހޯދުމުގެ މަސައްކަތް އަދިވެސް ދަނީ ކުރަމުންނެވެ. އެކަމަށްޓަކައި ހައިޑްރޯލިކް ބޮޑެތި ކެރޭނުތައް ބޭނުންވާތީ އެ މަސައްކަތަށް ހުރަސް އެޅިފައިވާ ކަމަށް ބައެއް ރިޕޯޓުތައް ބުނެއެވެ.

ކިޔުންތެރިންގެ ހިޔާލު