ENGLISH

04 އޭޕްރީލު 2025

Advertisement

ޣައްޒާ އަލުން ބިނާކުރުމުގެ ޕްލޭނެއް އެކުލަވައިލުމަށް އަރަބި ލީޑަރުންގެ ތާރީޚީ ބައްދަލުވުން މާދަމާ

20 ފެބްރުއަރީ 2025

|

ހަސަން އާމިރު

ފަލަސްތީނުގެ ޣައްޒާ އަލުން ބިނާކުރުމުގެ ޕްލޭނެއް އެކުލަވައިލުމުގެ މަޝްވަރާތައް އަރަބި ޤައުމުގެ ލީޑަރުންގެ މެދުގައި މާދަމާ ސައުދީ އަރަބިއްޔާގައި ފަށަން ތައްޔާރުވެއްޖެއެވެ.

ޣައްޒާ އަލުން ބިނާކުރުމުގެ ޕްލޭނެއް އެކުލަވައިލަން އަރަބި ޤައުމުތަކުން އިސްނެގީ، ޣައްޒާ އަމިއްލަކޮށްލައި، އެތަން ތަރައްޤީ ކުރަން، އެތަނުގައި ދިރިއުޅޭ 2.4 މިލިއަނެއްހާ ފަލަސްތީނުގެ ރައްޔިތުން ބާލަން އެމެރިކާ ރައީސް ޑޮނަލްޑް ޓްރަމްޕް ކުއްލި ގޮތަކަށް ހުށަހެޅުއްވުމުންނެވެ.

ޓްރަމްޕްގެ އެ ޕްލޭންގައި ޣައްޒާގެ ރައްޔިތުން އަރަބި ބައެއް ޤައުމުތަކަށް ގެންދިޔުން ހިމެނެއެވެ.

ނަމަވެސް، އަރަބި ޤައުމުތަކުން ވަނީ ޓްރަމްޕްގެ އެ ޕްލޭނަށް ނޫނެކޭ ބުނެފައެވެ. އަދި ޣައްޒާގެ ރައްޔިތުން އަމިއްލަ ވަޒަނުން ބޭރުކުރާ އެއްވެސް ޕްލޭނަކަށް ތާއީދުނުކުރާނެ ކަމަށް ވެސް އެ ޤައުމުތަކުން ވަނީ ބުނެފައެވެ.

ސައުދީގައި މާދަމާ ފަށާ މަޝްވަރާތަކުގައި ފުރަތަމަ އޮތީ ސަޢުދީގެ އިތުރުން މިޞްރު، ޖޯޑަން، ޤަތަރު އަދި ޔޫއޭއީ އެކަނި ބައިވެރިވާ ގޮތަށެވެ.

ނަމަވެސް، ފަހުން ވަނީ ގަލްފް ކޯޕަރޭޝަން ކައުންސިލް (ޖީސީސީ)ގެ ހަ ޤައުމާއި ފަލަސްތީނު ވެސް ބައިވެރިކުރާ ގޮތަށް ނިންމައިފައެވެ.

މާދަމާގެ މަޝްވަރާތަކުގައި ޣައްޒާ އަލުން ބިނާކުރާނެ ގޮތާއި، އެކަމަށް ބޭނުންވާ ފައިސާ ހޯދާނެ ގޮތްތަކާބެހޭ ގޮތުން ވެސް މަޝްވަރާކުރަން ވަނީ ހަމަޖެހިފައެވެ.

ކިޔުންތެރިންގެ ހިޔާލު