ENGLISH
04 އޭޕްރީލު 2025
ފިލިޕީންސްގައި ޑެންގީ ފެތުރޭތީ، މަދިރި މަރަން ފައިސާގެ އިނާމެއް
20 ފެބްރުއަރީ 2025
|
އެންމެ މަޤްބޫލު
ފިލިޕީންސްގެ އާބާދީ ބޮޑު ސަރަޙައްދުތަކުގައި ޑެންގީ ފެތުރޭތީ، މަދިރި ހިފައިގެން ނޫނީ މަރަލާއިގެން ގެންނަ ކޮންމެ މަދިރިއަކަށް ފައިސާގެ އިނާމެއް ހުށަހަޅައިފިއެވެ.
ފިލިޕީންސްގެ މެދުތެރޭގެ އަވަށެއް ކަމަށްވާ ކާލިޓޯ ސަރނަލްއިން ވަނީ ކޮންމެ ފަސް މަދިރިއަކަށް އެއް ޕޭސޯ (ގާތްގަނޑަކަށް 30 ލާރި)ގެ ފައިސާގެ އިނާމެއް ދޭން ނިންމައިފައެވެ.
މިކަމުން އެދެވޭ ނަތީޖާއެއް ނުކުންނާނެ ކަމަށް ސިއްޙީ އިދާރާތަކުން ޤަބޫލުނުކުރިޔަސް، މަދިރި ހިފައި، ކޮންޓެއިނަރުތަކުގައި މަދިރި ގެންގޮސް، ފައިސާގެ އިނާމު ހޯދަން ގިނަ ބަޔަކު ވަނީ އިސްނަގައިފައެވެ.
ދުނިޔޭގެ ސިއްޙަތު ޖަމްއިއްޔާ، ޑަބްލިޔުއެޗްއޯއިން ވަނީ ހުޅަނގު ޕެސިފިކް ސަރަޙައްދުގައި 2023 ވަނަ އަހަރު ޑެންގީގެ އަސަރު އެންމެ ބޮޑަށް ކުރި ޤައުމުގެ ގޮތުގައި ފިލިޕީންސް ކަނޑައަޅައިފައެވެ.
މިގޮތުން، އެ އަހަރު 167،355 މީހަކަށް ޑެންގީ ޖެހިގެން ފަރުވާދިންއިރު، އޭގެތެރެއިން 575 މީހަކު ވަނީ އެ ބަލީގައި މަރުވެފައެވެ.
މި އަހަރުގެ ފެބްރުއަރީ މަހު ޑެންގީ ފެތުރުން ވަނީ އިންތިހާއަށް އިތުރުވެފައެވެ. މިގޮތުން، މި މަހުގެ މިހާތަނަށް 28،000 އަށް ވުރެ ގިނަ މީހުންނަށް މި ބަލި ޖެހިފައިވާއިރު، މިއީ މިދިޔަ އަހަރުގެ މި މުއްދަތާ އަޅާބަލާއިރު، 40 ޕަސެންޓުގެ އިތުރުވުމެކެވެ.