ރޭލު ދަނގަނޑު މަތިން ހުރަސްކުރި އެތްތަކެއްގައި ޖެހި ސްރީ ލަންކާގައި ފަސިންޖަރުން ގޮވައިގެން ދަތުރުކުރި ރޭލެއް ފުރޮޅާލައިފިއެވެ.

ލަންކާގެ ވެރިރަށުގެ އިރުން 180 ކިލޯމީޓަރު ދުރުގައި އޮންނަ ހަބަރަނަ ކައިރިން ދަތުރުކުރި ރޭލު، އެ އެތްތަކުގައި ޖެހުނީ ފަތިހުގެ ވަގުތެއްގައެވެ.

އެ ހާދިސާގައި އެއްވެސް މީހަކަށް ގެއްލުމެއް ނުވާ ކަމަށާއި، ނަމަވެސް ހަ އެތް މަރުވެފައިވާކަމަށް ލަންކާ ފުލުހުން ބުންޏެވެ.

ލަންކާގައި ގާތްގަނޑަކަށް 7،000 އެތުގެ އާބާދީއެއް އޮންނައިރު، އެއީ އެ ޤައުމުގައި ހިމާޔަތްކޮށްފައިވާ ޖަނަވާރެކެވެ.

އެތުގެ އާބަދީ ގިނަ ސަރަޙައްދުތަކުން ދަތުރުކުރާއިރު، ސްޕީޑް މަޑުކުރަން ރޭލު ޑްރައިވަރުންނަށް ކަމާ ގުޅޭ އިދާރާތަކުން މީގެކުރިން ވެސް އިލްތިމާސްކޮށްފައިވެއެވެ.