ENGLISH
04 އޭޕްރީލު 2025
ބާކީތިބި އިޒްރޭލުގެ ހުރިހާ އަސީރުން އެއްފަހަރާ ދޫކޮށްލަން ތައްޔާރުކަން އިޢުލާނުކޮށްފި
19 ފެބްރުއަރީ 2025
|
ޙަމާސްއިން އިޒްރޭލުގެ ތިން އަސީރުން ދޫކޮށްލަނީ
އެންމެ މަޤްބޫލު
ދާއިމީކޮށް ހަނގުރާމަ ހުއްޓާލާ ޣައްޒާގައި ތިބި އިސްރާއީލުގެ ސިފައިން އެއްކޮށް ފޭބުމަށް މަގުފަހިކުރުމުގެ ޢަޒުމުގައި ފަލަސްޠީނުގެ ހުރިހާ ހައްޔަރީން ދޫކޮށްލާނަމަ ބާކީތިބި އިޒްރޭލުގެ ހުރިހާ އަސީރުން އެއްފަހަރާ ދޫކޮށްލަން ތައްޔާރުކަމަށް ޙަމާސްއިން ބުނެފިއެވެ.
މީގެ އިތުރުން ހަނގުރާމަ މެދުކަނޑާލުމުގެ އެއްބަސްވުމުގެ ފުރަތަމަ މަރުޙަލާގައި ދޫކޮށްލަން އެއްބަސްވި އަސީރުންގެ ތެރެއިން ދިރިތިބި ހަ އަސީރުން ދޫކޮށްލާނެކަމާއި މަރުވެފައިވާ ހަތަރު މީހުންގެ ހަށިތައް ޙަވާލުކުރާނެކަމުގެ ޔަޤީންކަންވެސް ޙަމާސްއިން ދީފައިވެއެވެ.
މަރުވެފައިވާ މީހުންގެ ހަށިތައް ބުރާސްފަތި ދުވަހު ޙަވާލުކުރާނެ ކަމަށާއި ދިރިތިބި އަސީރުން އާދީއްތަދުވަހު ދޫކޮށްލާނެކަމަށް ޙަމާސްގެ އިސްވެރިޔާ ޚަލީލް އަލް-ޙައްޔާ ވިދާޅުވެފައިވެއެވެ. އަލް ޙައްޔާ އިތުރަށް ވިދާޅުވީ ބުރާސްފަތި ދުވަހު ޙަވާލުކުރާ ހަށިތަކުގެ ތެރޭގައި 2023 ވަނަ އަހަރުގެ ނޮވެމްބަރު މަހު ދެވުނު ވައިގެ ޙަމަލާއެއްގައި މަރުވި ބިބަސް ޢާއިލާގެ މެމްބަރުންވެސް ހިމެނޭނެކަމަށެވެ.
އިޒްރޭލުގެ ބޮޑުވަޒީރު ބެންޖަމިން ނަތަންޔާހޫގެ އޮފީހުންވެސް ވަނީ މިސްރުގައި ބޭއްވުނު މަޝްވަރާތަކަށްފަހު ހޮނިހިރު ދުވަހު، ހަނގުރާމަ މެދުކަނޑާލުމުގެ އެއްބަސްވުމުގެ ފުރަތަމަ މަރުޙަލާގައި ދޫކޮށްލަން އެއްބަސްވި އަސީރުންގެ ތެރެއިން ދިރިތިބި ހަ އަސީރުން ދޫކޮށްލަން ހަމަޖެހިފައިވާކަމަށް ބުނެފައެވެ.
ހަނގުރާމައިގެ މިހާތަނަށް ފަލަސްޠީނުގެ 48،291 ރައްޔިތުން ޝަހީދުވެފައިވާކަމަށާއި 111،722 ރައްޔިތުން ޒަޚަމްވެފައިވާކަމަށް ފަލަސްޠީނުގެ ޞިއްޙަތާބެހޭ ވުޒާރާއިން މަޢުލޫމާތު ދެއްވައެވެ. އަދި ދައުލަތުގެ މީޑިއާ އޮފީހުންވަނީ ޝަހީދުންގެ ޢަދަދު މަދުވެގެން 61،709 އަށް އަރާނެކަމަށް ވިދާޅުވެފައެވެ.
މީގެ އިތުރުން ލުބްނާނުންވެސް ވަނީ އެޤައުމުން އިޒްރޭލުގެ ސިފައިން އެއްކޮށް ފައިބަން ދިން މުއްދަތު ހަމަވިއިރު މަރުވެފައިވާ 23 މީހުންގެ ހަށިތައް ހޯދާފައެވެ.