ހުޅުމާލޭގައި ރަށްވެހިގުޅުން އާލާކުރުމަށް އެޗްޑީސީން ކުރިއަށްގެންދިޔަ "އެއްގެއިން އަނެއްގެއަށް" ހަރަކާތް ކާމިޔާބުކަމާ އެކު ނިންމާލައިފިއެވެ. 

މި މަހުގެ 1-16 އަށް ކުރިއަށް ގެންދިޔަ މި ހަރަކާތަށް ގިނަބައެއްގެ ތަރުހީބުވަނީ ލިބިފައެވެ. 

މި ކެމްޕެއިންގެ ދަށުން ގޭގައި ބޭނުންކުރާ ތަކެތި އުކާލުމުގެ ބަދަލުގައި، ބޭނުންކުރެވޭ ހާލަތުގައި ހުރި ތަކެތި، ބޭނުންޖެހިފައިވާ ފަރާތްތަކަށް ހަދިޔާކޮށްފައިވެއެވެ. މި ހަރަކާތުގައި ގިނަ ބަޔަކު ބައިވެރިވެ، ގިނަ އަދަދަކަށް ތަކެތި ހަދިޔާކޮށްފައިވާކަމަށް އެ ކުންފުނިންވަނީ ފާހަގަކޮށްފައެވެ. އަދި މި ކެމްޕެއިނަށް ލިބުނު ތަރުހީބު ފާހަގަކޮށް މިކަމުގައި ބައިވެރިވި އެންމެހާ ރައްޔިތުންނަށް އެޗްޑީސީން ވަނީ ޝުކުރު އަދާކޮށްފައެވެ.  

"އެއްގެއިން އަނެއްގެއަށް" ހަރަކާތުގެ ތަފާސްހިސާބު: 

މި ހަރަކާތަކީ ރަމަޟާން މަހާ ދިމާކޮށް އުކާލުމަށް ނެރެފައި ހުންނަ ކުނީގެ މައްސަލަ ހައްލު ކުރުމާއެކު ކުނީގެ ގޮތުގައި ނައްތާލަންޖެހޭ ތަކެތި މަދުކޮށް، އަލުން ބޭނުންކުރުމަށް ބާރު އެޅުމަށް ކުރިއަށް ގެންދިޔަ ހަރަކާތެއްކަމަށް އެޗްޑީސީން ވިދާޅުވެއެވެ.