ENGLISH

04 އޭޕްރީލު 2025

Advertisement

އެމްއެސްއެސް އަކީ ރާއްޖެއަށް ދެވަނަ އަށް އެންމެ ގިނައިން މުދާ އުފުލާ ޝިޕިންގލައިން: އެމްޑީ

05 ފެބްރުއަރީ 2025

|

އަހުމަދު ސައީދު

މެނޭޖިން ޑިރެކްޓަރ އަޚްމަދު ޝަރީފް-- ފޮޓޯ/ އެމްއެމްޓީވީ

މޯލްޑިވްސް ސްޓޭޓް ޝިޕިންގ (އެމްއެސްއެސް) އަކީ މިހާރު ރާއްޖެއަށް ދެވަނަ އަށް އެންމެ ގިނައިން މުދާ އުފުލާ ޝިޕިންގލައިން ކަމަށް އެ ކުންފުނީގެ މެނޭޖިން ޑިރެކްޓަރ އަޙްމަދު ޝަރީފް ވިދާޅުވެއްޖެ އެވެ.

އެމްއެސްއެސް އަށް އިއްޔެ ފަސް އަހަރު ފުރުމާ ގުޅިގެން އެމްއެމްޓީވީ "ބޮޑު ޚަބަރު" ޕްރޮގްރާމުގައި ވާހަކަަ ދައްކަވަމުން، ޝަރީފް ވިދާޅުވީ މިދިޔަ ފަސް އަހަރު ދުވަހުގެ ތެރޭގައި އެ ކުންފުންޏަށް ބޮޑެތި ކުރިއެރުންތަކެއް ހޯދިފައިވާ ކަމަށެވެ. ފަސް ބޯޓު ގެންގުޅޭ އެމްއެސްއެސްގެ އޮފީސް ސްރީލަންކާ އާއި ދުބާއީގައި ހިންގާއިރު، ދުނިޔޭގެ ބޮޑު ދެ ޝިޕިންގ ލައިނެއްގެ މުދާ ރާއްޖެއަށް އުފުލަނީ ވެސް އެމްއެސްއެސް އިން ކަމަށް އޭނާ ވިދާޅުވި އެވެ. 

"ފަށައިގަތް އިރަށްވުރެ މިހާރު މާކެޓުގައި އަޅުގަނޑުމެންގެ ހިއްސާ ވަރަށް ބޮޑުވާނެ. އެގޮތުން ބަލާއިރު، މުޅިރާއްޖެއަށް ގެންނަ މުދާ ދެވަނައަށް އެންމެ ގިނައިން އަޅުގަނޑުމެން މި އުފުލަނީ. ރާއްޖެއަށް މުދާ މި އަންނަނީ ސްރީލަންކާ މަގުން. އެ މަގުން އަންނަ މުދަލުގެ ހިސާބަށް ބަލައިފިއްޔާ އަޅުގަނޑުމެންނަކީ 65 ޕަސެންޓު،" ޝަރީފް ވިދާޅުވި އެވެ.

ސީޓުއެއާގެ ކާގޯގެ ޚިދުމަތް މިދިޔަ އަހަރު ފެށި ކުންފުނީގެ އެޖެންޓުން 35 ޤައުމެއްގައި ހަރަކާތްތެރިވާއިރު، ޝަރީފު ވިދާޅުވީ ޗައިނާ އާއި ސިންގަޕޫރާއި ދުބާއީގައި ވިޔަފާރި ފުޅާކުރުމަށް މަސައްކަތްކުރަމުން އަންނަ ކަމަށެވެ. 

ޝަރީފް ވިދާޅުވި ގޮތުގައި ޤައުމީ ސިޕިންގލައިނެއް އޮތުމަކީ ރާއްޖޭގެ އިޤްތިޞާދީ މިނިވަންކަން ދެމެހެއްޓުމަށް ލިބޭ ބާރެއް ކަމަށާއި އަދި ރާއްޖޭގެ ބާޒާރުގައި މުދާ އަގުހެޔޮވުމަށް ވެސް އަމިއްލަ ޝިޕިންގ ކުންފުންޏެއް އޮތުމުން މަގުފަހިވާ ކަމަށެވެ. އޭނާ ވިދާޅުވި ގޮތުގައި މީހުން ބިނާކުރުމަށް ވެސް މަސައްކަތްކުރަމުންދާއިރު، އެ ކުންފުނީގެ އަމާޒަކީ ދިވެހިންގެ ފަޚުރަކަށް ޤައުމީ ޝިޕިންގ ކުންފުނި ހެދުމެވެ. 

ކިޔުންތެރިންގެ ހިޔާލު