އިދިކޮޅު ޕާޓީން މިހާރު ކުރާ ކަންކަމަށް ދިވެހިން މިހާރު އަޅާނުލާ ކަމަށް ޓްރާންސްޕޯޓް މިނިސްޓްރީގެ ޑެޕިއުޓީ މިނިސްޓަރު ޢަލީ ނިޝާން ވިދާޅުވެއްޖެއެވެ. 

އެމްއެމް ޓީވީގެ "ބޮޑު ޚަބަރު" ޕްރޮގްރާމްގައި ވާހަކަ ދައްކަވަމުން ނިޝާން ވިދާޅުވީ ރާއްޖެ އަށް ދަތި ހާލަތެއް މެދުވެރިވެފައި ވަނިކޮށް މި ސަރުކާރުން ނިންމާފައި ވަނީ މީގެ ކުރީގެ އެއްވެސް ސަރުކާރަކުން ނިންމާފައި ނުވާފަދަ ނިންމެވުންތަކެއް ކަމަށެވެ. މީގެ ކުރީގައި ނުވެހުރި ވަރަށް ގިނަ ކަންކަން މިހާރު ކޮށްފައިވާ ކަމަށް އޭނާ ވިދާޅުވިއެވެ. ސަރުކާރާއި ދޭތެރޭ ރައްޔިތުން ކުރި އުންމީދު ހަގީގަތަކަށް ހެދުމަށް، އަމިއްލަ މަސްލަހަތަށްވުރެ ރައްޔިތުންގެ މަންފާއަށް ވިސްނައިގެން މި ސަރުކާރުން އަމަލުކުރި ކަމަށް އޭނާ ވިދާޅުވިއެވެ. 

ނަތީޖާއެެއްގެ ގޮތުން، ރައީސްގެ ސިޔާސަތުތަކަށް ރައްޔިތުން ތާއީދުކުރާކަމަށް ގަބޫލުކުރެވޭ ކަމަށް ނިޝާން ވިދާޅުވިއެވެ.