ENGLISH
04 އޭޕްރީލު 2025
ރަށްރަށުގެ ފަތުރުވެރިކަން އިޝްތިހާރުކުރުމަށް ތައިލެންޑުގައި ބޭއްވި މޯލްޑިވްސް ޑެސްޓިނޭޝަން ރޯޑްޝޯ ނިންމާލައިފި
25 ޖެނުއަރީ 2025
|
ރަށްރަށުގެ ފަތުރުވެރިކަން އިޝްތިހާރު ކުރުމަށް ލޯކަލް ކައުންސިލުތަކަށް ހާއްސަކޮށްގެން ތައިލެންޑުގައި ބޭއްވި މޯލްޑިވްސް ޑެސްޓިކޭޝަން ރޯޑްޝޯގެ ބައިވެރިން.
އެންމެ މަޤްބޫލު
ރާއްޖޭގެ ރަށްރަށުގެ ފަތުރުވެރިކަން އިޝްތިހާރު ކުރުމަށް ލޯކަލް ކައުންސިލުތަކަށް ޚާއްސަކޮށްގެން ތައިލެންޑުގައި ބޭއްވި މޯލްޑިވްސް ޑެސްޓިކޭޝަން ރޯޑްޝޯ މިއަދު ނިންމާލައިފިއެވެ.
ތައިލެންޑުގެ ވެރިރަށް ބެންކޮކްގެ އެންމެ މަގުބޫލް އެއް ޝޮޕިން މޯލް ކަމަށްވާ ސެންޓްރަލް ވޯލްޑްގައި ބުދަ ދުވަހު ފެށި މި އިވެންޓުގައި ގެސްޓުހައުސް ހުންނަ ރަށްރަށުގެ ކައުންސިލްތަަކާއި ރަށްރަށުގައި ފަތުރުވެރިކަމުގެ ޚިދުމަތްދޭ ފަރާތްތަކާއެކު ޖުމްލަ 60 ވަފުދު ބައިވެރިވިއެވެ. ދިވެހި ސަރުކާރުގެ ފަރާތުން ތައިލެންޑަށް ކަނޑައަޅުއްވާފައި ހުންނަވާ ސަފީރު ފުއާދު ތައުފީގު ވެސް މި ރޯޑް ޝޯގައި ބައިވެރިވެވަޑައިގެން، ކައުންސިލްތަކުގެ މެންބަރުންނާއެކު ޚިޔާލު ބަދަލުކުރެއްވިއެވެ.
މިއީ ކައުންސިލުތައް ބައިވެރިކޮށްގެން، ރާއްޖޭއިން ބޭރުގައި ރާއްޖޭގެ ވަކިވަކި ރަށްތަކުގެ ފަތުރުވެރިކަން އިޝްތިހާރު ކުރުމަށް ބޭއްވި ފުރަތަމަ އިވެންޓެވެ. ރައީސުލްޖުމްހޫރިއްޔާ ޑޮކްޓަރު މުޙައްމަދު މުޢިއްޒުގެ ސަރުކާރުން ކައުންސިލްތައް ބާރުވެރިކޮށް ފަތުރުވެރި މަންޒިލުތަކެއް ގޮތަށް ރަށްތައް އިޝްތިހާރު ކުރުމަށް ކުރެއްވި އިލްތިމާސް އާ އެއްގޮތަށް ބޭއްވި މި އިވެންޓު އިންތިޒާމުކުރީ އެމްއައި އެޑްވަޓައިޒިންގެ ފަރާތުންނެވެ.
ޗައިނީސް ނިއުއިޔާ އާ ދިމާކޮށް ބޭއްވި މި ރޯޑް ޝޯގައި ރާއްޖޭގައި ގެސްޓުހައުސް ވިޔަފާރި ހިންގާ ވަރަށް ގިނަ ރަށްރަށުގެ ކައުންސިލުތަކުން ބައިވެރިވިއެވެ. ރާއްޖޭގެ 19 ރަށެއްގައި 110 ގެސްޓުހައުސް މިހާރު ހިނގަމުން ގެންދެއެވެ.