ENGLISH
04 އޭޕްރީލު 2025
މޯލްޑިވްސްގެ މެރިން އެކްސްޕޯގެ މެއިން ސްޕޮންސާއަކަށް އެމްޓީސީސީ
19 ޖެނުއަރީ 2025
|
އެމްޓީސީސީގެ މެނޭޖިންގ ޑިރެކްޓަރ އަޙްމަދު ސަޢުދީ (ކ) މެރިން އެކްސްޕޯ 2025 ގެ ސްޕޮންސާޝިޕް ލިޔުމާއި ހަވާލުވެވަޑައިގަންނަވަނީ.
އެންމެ މަޤްބޫލު
ރާއްޖޭގެ ކަނޑުދަތުރުފަތުރު ކުރުމުގެ ސިނާޢަތަށް ޚާއްސަކޮށްގެން ބާއްވާ އެންމެ ބޮޑު އިވެންޓް ކަމަށްވާ މޯލްޑިވްސް މެރިން އެކްސްޕޯގެ 10 ވަނަ އެޑިޝަން ސްޕޮންސަރުންނާއި ޕާޓްނަރުންނާއެކު އެއްބަސްވުމުގައި ރޭ ސޮއިކޮށްފިއެވެ.
މޯލްޑިވްސް މެރިން އެކްސްޕޯއަކީ ސަފާރީ ސިނާޢަތުގެ ވިޔަފާރިވެރިންގެ ޖަމިއްޔާ ނޭޝަނަލް ބޯޓިން އެސޯސިއޭޝަން އޮފް މޯލްޑިވްސް (އެންބީއޭއެމް)ގެ ރަސްމީ އިވެންޓެވެ. ހުޅުމާލެ ސެންޓަރަލް ޕާކުގައި އަންނަ މަހު ބާއްވާ މި އިވެންޓުގެ މެއިން ސްޕޮންސަރަކީ މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އެވެ. މެންހަޓަން ބިޒްނަސް ހޮޓަލުގައި ބޭއްވި ރަސްމިއްޔާތެއްގައި ހަތަރު ކޯ ސްޕޮންސަރުންނާއި ޕްރިމިއަމް ސްޕޮންސަރުންނާ އަދި އިވެންޓު ޕާޓުނަރުންނާއެކު ވެސް އެއްބަސްވުން ހެދިއެވެ.
ފެބްރުއަރީ 6 އިން 9 އަށް ކޮންމެ ދުވަހަކު ހަވީރު 4:00 އިން ފެށިގެން ރޭނގަނޑު 10:00 އަށް ކުރިއަށްގެންދާ މޯލްޑިވްސް މެރިން އެކްސްޕޯ 2025 އިންތިޒާމުކުރަނީ މީޑިއަމް އިވެންޓްސްއިންނެވެ. މިއީ ސަފާރީ ސިނާޢަތަށް ޚާއްޞަކޮށްގެން ރާއްޖޭގައި އެންމެ ގިނަ ދުވަސް ވަންދެން ބާއްވަމުން އަންނަ އިވެންޓެވެ.
މިފަހަރުގެ އެކްސްޕޯގައި ވެސް ވިޔަފާރިތައް އެގްޒިބިޓް ކުރާނެ ސްޓޯލްތަކާއި، ބޯޓުތައް ދައްކާލަން ޚާއްސަ ސަރަޙައްދެއްގެ އިތުރުން މަަޢުލޫމާތު ދިނުމުގެ ސެމިނާތަކާއި އާންމުންނާއި ގުޅުންހުރި ކަންކަންވެސް ކުރިއަށް ގެންދާނެއެވެ. މީޑިއަމް އިވެންޓްސް އިން ބުނީ މިފަހަރުގެ އެކްސްޕޯގައި ކޮންމެ ރެއަކަށް ވެސް ވަކި ތީމެއް ކަނޑައަޅާ އެ ތީމަކާ ގުޅޭ ޙަރަކާތްތައް ކުރިއަށް ގެންދާނެ ކަމަށެވެ.
ކަނޑުގެ އުޅަނދުފަހަރާއި، އެ އުޅަނދުތަކަށް ބޭނުންވާ ތަފާތު އާލާތްތައް ވިއްކާ ވިޔަފާރިތަކުގެ އިތުރުން، މި އުޅަނދުތަކަށް ތަފާތު ޚިދުމަތްދޭ އިންޝުއަރެންސާއި ލޮޖިސްޓިކްސް ވިޔަފާރިތަކުން ވެސް އެކްސްޕޯގައި ބައިވެރިވާނެ އެވެ.
މީޑިއަމް އިވެންޓްސްއިން ބުނީ އެކްސްޕޯގައި ބައެއް ކުންފުނިތަކުން އާ މޮޑެލްތަކުގެ އުޅަނދު ފަހަރާއި، އާ އުފެއްދުންތައް ބާޒާރަށް ނެރޭނެ ކަމަށެވެ.
ރާއްޖޭގެ މެރިން އިންޑަސްޓްރީއަށް ބޮޑެތި ކުރިއެރުންތަކެއް މިދިޔަ މަދު އަހަރުތަކުގެ ތެރޭގައި ވަނީ ލިބިފަ އެވެ. ބައިނަލްއަގްވާމީ ބޮޑެތި ލަގްޒަރީ ބްރޭންޑުތައް ރާއްޖެ އަށް އައިސް ވިޔަފާރި އަންނަނީ ފުޅާކުރަމުންނެވެ. މި އަހަރުގެ މެރިން އެކްސްޕޯގައި މަޝްހޫރު ގިނަ ބްރޭންޑުތަކެއް ފެނިގެންދާނެ އެވެ.