ENGLISH
04 އޭޕްރީލު 2025
ޑީބީއެމްގެ މަސައްކަތް ކުރިއަށްދަނީ ތާވަލާ އެއްގޮތަށް: ވަޒީރު ސަޢީދު
19 ޖެނުއަރީ 2025
|
ރައީސް ޑރ. މުޙައްމަދު މުޢިއްޒު މޯލްޑިވްސް ޑިވެލޮޕްމެންޓް ބޭންކު (ޑީބީއެމް) ރަސްމީކޮށް ހުޅުއްވައިދެއްވަނީ -- ފޮޓޯ: ރައީސް އޮފީސް
އެންމެ މަޤްބޫލު
މިދިޔަ އަހަރުގެ ނޮވެމްބަރ މަހު ރަސްމީކޮށް ހުޅުވި ޑިވެލޮޕްމަންޓް ބޭންކް އޮފް މޯލްޑިވްސް (ޑީބީއެމް) ގެ ޚިދުމަތް ފެށުމުގެ މަސައްތަކަށް ތާވަލާ އެއްގޮތަށް ކުރިއަށްދާކަމަށް އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ވިދާޅުވެއެޖެއެވެ.
ޑީބީއެމްގެ މަސައްކަތާއި ގުޅޭގޮތުން މިނިސްޓަރ ސަޢީދު އެކްސްގައި ކުރެއްވި ޕޯސްޓެއްގައި ވިދާޅުވީ އެ ބެންކުގެ ޚިދުމަތްތައް ފެށުމަށް ރާވާފައިވަނީ ތިން މަރުހަލާއަކަށް ބަހާލައިގެން ކަމަށެވެ.
އެއް އަހަރު ދުވަހުގެ ތެރޭގައި ޚިދުމަތް ފެށުމަށް، މަރުކަޒީ ބޭންކުން ޑީބީއެމްއަށް ލައިސަންސް ދޫކުރީ މިދިޔަ އަހަރުގެ އޮކްޓޯބަރ 13 ވަނަ ދުވަހުއެވެ.
ސަޢީދުގެ ޕޯސްޓުގައި ވިދާޅުވެފައިވާ ގޮތުގައި މިހާރު ކުރިއަށްދަނީ ބޭންކުގެ އިދާރީ އޮނިގަނޑު އެކުލަވައިލުމުގެ މަސައްކަތެވެ. ޑީބީއެމްގެ ވިޔަފާރި މޮޑެލް ރާވާފައިވަނީ ފުރަތަމަ އިންސްޓިއުޝަނަލް އިންވެސްޓަރުންނާއި ބޮޑެތި އުމްރާނި މަޝްރޫއުތަކަށް އިސްކަން ދިނުމަށްކަމަށް ސަޢިދު ފާހަގަކުރައްވާފައިވެއެވެ. އަދި ސަޢީދު ވިދާޅުވީ ޑީބީއެމްއިން ރީޓެއިލް ބޭންކިންގެ ޚިދުމަތް ތައާރަފުކުރާނީ ފަހުގެ މަރުހަލާއެއްގައެެވެ.
ސަޢިދު އިތުރަށް ވިދާޅުވީ ގޮތުގައި ޕަބްލިކް ފައިނޭންސް މެނޭޖު ކުރުމުގެ ޤާބިލުކަމެއް ނެތް ޒިންމާދާރުކަން ކުޑަ ސަރުކާރަކުން ކަން ކުރަމުން އައި ގޮތުން ވާރުތަވި ގޯސްތައް ރަނގަޅުކޮށް، ހަމަޖެހުމަކަށް މިހާރު ވަނީ އާދެވިފައެވެ.