މި އަހަރު ހިންގާ ވިޒިޓް މޯލްޑިވްސްގެ ހަރަކާތްތައް ބައްޓަން ކުރުމަށް އިންޑަސްޓްރީގައި ހަރަކާތްތެރިވާ ފަރާތްތަކުގެ ޚިޔާލު ހޯދަން ބާއްވާ ބައްދަވުންތަކުގައި ބައިވެރިވުމުގެ ފުރުޞަތު މޯލްޑިވްސް މާކެޓިންގ އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) އިން ހުޅުވާލައްވައިފިއެވެ.

އެމްއެމްޕީއާރުސީ އިން ނެރުނު ނޫސް ބަޔާނެއްގައި ބުނީ ފޯކަސް ގްރޫޕްތަކަށް ވަކިވަކިން ބާއްވަން ނިންމާފައިވާ މި ބައްދަލުވުންތަކުގެ ބޭނުމަކީ ތަފާތު ސެގްމަންޓުތައް ހިމެނޭހެން، އެންމެ ސަމާލުކަން ދޭންވީ ދާއިރާތަކަށް ޚާއްސަކޮށް އެންމެ ފައިދާހުރި ގޮތަކަށް ރާއްޖެ އިޝްތިހާރުކުރުމުގެ ހަރަކާތްތައް ރޭވުމެވެ. އެ ބަޔާނުގައި ބުނެފައިވާ ގޮތުގައި އާ މާކެޓުތަކުގައި އިސްތިހާރު ކުރުމާއި އިސްތިހާރު ކުރުމުގައި އީޖާދީ ގޮަތްތައް ހޯދުމަށް ވެސް މި ބައްދަލުވުންތަކުގައި ޚިޔާލު ބަދަލުކުރެވޭނެއެވެ. 

މި ބައްދަލުވުންތަކުގައި ބައިވެރިވާން ބޭނުންވާ ޓޫރިޒަމް އިންޑަސްރީގައި ހަރަކާތްތެރިވާ ފަރާތްތަކުން ރަޖިސްޓްރީވާން ޖެހެނީ އީމެއިލް ފޮނުވައިގެންނެވެ. މި ބައްދަލުވުންތައް ބާއްވާ ތާރީޚެއް އަދި ކަނޑައެއް ނާޅައެވެ. 

އެމްއެމްޕީއާރުސީގެ އަމާޒަކީ ފަތުރުވެރިކަމުން ފަސް ބިލިއަން ޑޮލަރުގެ އާމްދަނީއެއް މި އަހަރު ހޯދުމެވެ.