ރާއްޖޭގެ އެކި ރަށްރަށަށް ވަޑައިގަތުމަށް ރައީސް ފައްޓަވާފައިވާ ސިލްސިލާ ދަތުރުފުޅުގެ ތެރެެއިން ގއ. ކަނޑުހުޅުދޫ އަށް މިއަދު މެންދުރު ވަޑައިގެން އެ ރަށުގެ މީހަކާ ރައީސް ސަލާމް ކުރައްވަނީ. ކަނޑުހުޅުދޫ ރައްޔިތުންނާ މުޚާތަބު ކުރައްވާ ރައީސް ވަނީ އެރަށުގެ ތަރައްޤީއަށް މުހިންމު ކަންކަން ކޮށްދެއްވާނެ ކަމުގެ ޔަޤީންކަން ދެއްވާފައި. އޭގެ ތެރޭގައި ކަނޑުހުޅުދޫގެ ބަނދަރު ތަރައްޤީކޮށްދެއްވުމާއި ސްކޫލްގެ ކްލާސްރޫމްތައް އިތުރުކޮށްދެއްވައި ސިއްހީ މަރުކަޒުގެ ޚިދުމަތް ރަނގަޅުކޮށް އަދި ކުޅިވަރު ކުޅޭ ދަނޑުގެ ފެންވަރު މަތިކޮށްދެއްވާނެ ކަމަށް ވިދާޅުވި. އަދި ކަނޑުހުޅުދޫގެ ބިން ހިއްކުމުގެ މަޝްރޫއެއް އަންނަ އަހަރު ފައްޓަވައި ދެއްވައި އޭގެ ފަހުން، އެރަށުގައި ރޯ ހައުސް އިމާރާތްކޮށްދެއްވާނެ ކަމަށް ވެސް ވިދާޅުވި.