ENGLISH

04 އޭޕްރީލު 2025

Advertisement

ޗައިނާއިން ރާއްޖެ އެތެރެކުރާ 70 އިންސައްތަ މުދަލުގެ ޑިއުޓީ މާދާއިން ފެށިގެން މަޢާފްވާނެ

31 ޑިސެމްބަރު 2024

|

އަހުމަދު ސައީދު

ރާއްޖެ އާއި ޗައިނާގެ މިނިވަން ވިޔަފާރީގެ އެއްބަސްވުން ތަންފީޒު ކުރަން ފެށުމުން ބޭއްވި ރަސްމިއްޔާތުގައި އިކޮނޮމިކް ޑިވެލޮޕްމަންޓް މިނިސްޓަރ މުޙައްމަދު ސައީދު ވާހަކަ ދައްކަވަނީ. -- ފޮޓޯ/ އެމްއެމްޓީވީ

ރާއްޖެ އާއި ޗައިނާގެ މިނިވަން ވިޔަފާރީގެ އެއްބަސްވުން މާދަމާ ތަންފީޒު ކުރަން ފެށުމުން ޗައިނާ އިން ރާއްޖެ އެތެރެކުރާ 70 އިންސައްތަ މުދަލުގެ ޑިޔުޓީ ކެޑޭނެ ކަމަށް އިކޮނިމިކް ޑިވެލޮޕްމަންޓް މިނިސްޓަރ މުޙައްމަދު ސަޢީދު ވިދާޅުވެއްޖެއެވެ.

ރާއްޖެ-ޗައިނާ މިނިވަން ވިޔަފާރީގެ އެއްބަސްވުން ތަންފީޒު ކުރަން ފެށުން ފާހަގަކުރުމަށް އިއްޔެ ބޭއްވި ރަސްމިއްޔާތުގައި ސައީދު ވިދާޅުވީ ކުރިއަށް އޮތް ފަސް އަހަރު ދުވަހުގެ ތެރޭގައި 90 އިންސައްތަ މުދަލުން ޑިއުޓީ މައާފުވާނެ ކަމާށާއި އަދި ރާއްޖެއިން ޗައިނާއަށް ބޭރުކުރާ 95 އިންސައްތަ މުދާ ޑިޔުޓީއެއް ނެތި ޗައިނާއަށް އެތެރެކުރެވޭނެ ކަމަށެވެ.

ރާއްޖެ-ޗައިނާ މިނިވަން ވިޔަފާރީގެ އެއްބަސްވުމުގެ ސަބަބުން ރާއްޖޭގެ ތާރީޚުގައި، ދުވަހަކު ވެސް ނުލިބޭވަރުގެ ވިޔަފާރީގެ ކުރިއެރުންތައް ލިބިގެންދާނެ ކަމަށް މިނިސްޓަރ ސައީދު ވިދާޅުވިއެވެ.

ދުނިޔޭގެ އެންމެ ބޮޑު ބާޒާރާ އެކު މިނިވަން ވިޔަފާރީގެ އެއްބަސްވުމެއް އެކުލަވާލުމަކީ، ސައީދު ވިދާޅުވި ގޮތުގައި، ރާއްޖެ ފަދަ ކުޑަ ގައުމަކަށް ބޮޑެތި ފައިދާތައް ކުރާނެ ކަމެކެވެ. އޭނާ ވިދާޅުވީ މި އެއްބަސްވުމުގެ ސަބަބުން ޗައިނާގެ ފްރީޓްރޭޑް ބައެއް އޭރިއާތަކުގައި ދިވެހި ކުންފުނިތަކަށް ޗައިނާގެ ކުންފުނިތަކަށް ލިބޭ ހުރިހާ ހައްޤުތަކާ އެކު ވިޔަފާރި ކުރުމުގެ ފުރުސަތު ލިބޭނެ ކަމަށެވެ.

ސަޢީދު ވިދާޅުވީ ދުނިޔޭގައި ބޭނުންކުރާ ސީފުޑް ރާއްޖެ އެތެރެކޮށް ޑަބްލިއުޓީއޯ ޤަބޫލު ކުރާ ވެލިއު އެޑްކޮށްގެން އެއްވެސް ޑިޔުޓީއެއް ނެތި ޗައިނާއަށް އެކްސްޕޯޓު ކުރުމުގެ ފުރުސަތު ހުރިހާ ދިވެހި ވިޔަފާރިވެރިންނަށް މިހާރު އޮންނާނެ ކަމަށެވެ. މިއީ އެހެން ޤައުމުތަކުގެ ވިޔަފާރިތަކަށް އޮތް ފުރުސަތެއް ނޫންކަން މިނިސްޓަރ ފާހަގަކުރެއްވި އެވެ.

ކިޔުންތެރިންގެ ހިޔާލު