ENGLISH

04 އޭޕްރީލު 2025

Advertisement

ޗުއްޓީތެރޭގައި އޭޓީއެމްގެ ޚިދުމަތަށް ބުރޫއެރިޔަ ނުދިނުމަށް ސަމާލުކަންދޭނެ: އެމްއައިބީ

29 ޑިސެމްބަރު 2024

|

އަހުމަދު ސައީދު

ސެލްފް ސާވިސް އޭޓީއެމްގެ ޚިދުމަތް ރަމްޒުކޮށްދޭ ކުރެހުމެއް.

އާ އަހަރާއި ދިމާކޮށް ފަސް ދުވަހަށް ބޭންކް ބަންދު ވިއަސް ޗުއްޓީތެރޭގައި އޭޓީއެމްތަކުން ފައިސާ ހުސްވިޔަ ނުދިނުމަށް ވަރަށް ބޮޑު ސަމާލުކަމެއް ދެއްވާނެ ކަމަށް މޯލްޑިވްސް އިސްލާމިކް ބޭންކް (އެމްއައިބީ) އިން ވިދާޅުވެއްޖެއެވެ.

އެމްއައިބީން ނެރުއްވި ނޯޓިސްއެއްގައި ވިދާޅުވެފައިވާ ގޮތުގައި 31 ޑިސެމްބަރ 2024 ވާ އަންގާރަ ދުވަހުން ފެށިގެން 4 ޖެނުއަރީ 2025 ވާ ހޮނިހިރު ދުވަހުގެ ނިޔަލަށް އެ ބޭންކުގެ ބްރާންޗްތަކާއި ސޭލްސް ސެންޓަރުތައް ބަންދުވާނެއެވެ. އާ އަހަރުގެ ޗުއްޓީއަށްފަހު އެމްއައިބީ ހުޅުވާނީ 5 ޖެނުއަރީ 2025 ވާ އާދީއްތަ ދުވަހުއެވެ.

އެމްއައިބީގެ އޮފިޝަލަކު ވިދާޅުވީ އާ އަހަރުގެ ޗުއްޓީއާ ދިމާކޮށް ގިނަ ބަޔަކު ދަތުރުފަތުރު ކުރުމާއި ބޭސްފަރުވާ ކުރުން ފަދަ ތަފާތު ބޭނުންތަކާއި ގުޅިގެން، ނަގުދު ފައިސާ ބޭނުންވާ ހާލަތްތައް އަންނާނެތީ، ޗުއްޓީ ތެރޭގައި މެދުނުކެނޑި އޭޓީއެމްތަކުގެ ޚިދުމަތް ފޯރުކޮށްދިނުމަށް އިސްކަން ދެއްވާނެ ކަމަށެވެ. އޭނާ ވިދާޅުވި ގޮތުގައި ބަންދު ދުވަސްތަކުގައި ވެސް އޭޓީއެމްތައް ބެލެހެއްޓުމާއި ފައިސާ އެޅުމުގެ މަސައްކަތް ކުރިއަށްދާނެއެވެ.

ދިވެހިންގެ ގިނަ ބައެއްގެ އިތުބާރު ހޯދާފައިވާ އެމްއައިބީގެ އޭޓީއެމްގެ ޚިދުމަތް މާލެ އާއި ރަށްރަށުގެ 25 ސަރަހައްދަކުން ފޯރުކޮށްދެއެެވެ.

އެމްއައިބީން ވިދާޅުވީ އާ އަހަރުގެ ބަންދު ތެރޭގައި އީ- ބޭންކިން ޚިދުމަތާއި ކަސްޓަމަރ ކެއަރ ސެންޓަރގެ ޚިދުމަތް ވެސް ފޯރުކޮށްދޭނެ ކަމަށެވެ. އެމްއައިބީގެ ކަސްޓަމަރ ކެއަރ ސެންޓަރގެ ނަންބަރަކީ 3325555 އެވެ. 

ކިޔުންތެރިންގެ ހިޔާލު