ENGLISH
04 އޭޕްރީލު 2025
އާމްދަނީގެ ގޮތުގައި ކަސްޓަމްސް އަށް މިދިޔަ މަހު 249 މިލިއަން ރުފިޔާ ލިބިއްޖެ
27 ޑިސެމްބަރު 2024
|
ބަނދަރުމަތީގައި ބަޔަކު ޕިކަޕަކަށް މުދާ އަރުވަނީ
އެންމެ މަޤްބޫލު
މޯލްޑިވްސް ކަސްޓަމްސް ސާރވިސްގެ ތަފާސް ހިސާބުތަކުން ދައްކާ ގޮތުގައި އެ އޮތޯރިޓީއަށް 249 މިލިއަން ރުފިޔާގެ އާމްދަނީ އެއް ނިމިދިޔަ ނޮވެމްބަރު މަހުގައި ލިބިއްޖެއެވެ.
ނިމިދިޔަ މަހުގައި 120 މިލިއަން ރުފިޔާގެ މަސް އެކްސްޕޯޓުކޮށްފައި ކަމަށާއި ރޯޔަލްޓީގެ ގޮތުގައި އެއޮތޯރިޓީއަށް ހަތް މިލިއަން ރުފިޔާ ލިބިފައިވާ ކަމަށް އެ އޮތޯރިޓީއިން އާންމުކޮށްފައިވާ ރިޕޯޓްއިން ހާމަވެއެވެ. ކަސްޓަމްސްއިން ހާމަކުރި ގޮތުގައި ނިމިދިޔަ މަހުގައި ހަތަރު ބިލިއަން ރުފިޔާގެ މުދާ ރާއްޖެ އެތެރެކޮށްފައިވެއެވެ.
އެންމެ ގިނައިން ރާއްޖެ އެތެރެކޮށްފައިވަނީ ކާބޯތަކެތީގެ ބާވަތްތަކެވެ. އެއީ 883 މިލިއަން ރުފިޔާގެ ކާބޯތަކެއްޗެވެ. މީގެ އިތުރުން 717 މިލިއަން ރުފިޔާގެ ކަރަންޓު ސާމާނާއި 582 މިލިއަން ރުފިޔާގެ ތެޔޮ ރާއްޖެ އެތެރެކޮށްފައިވެއެވެ.
މިދިޔަ މަހުގައި ރާއްޖެއިން އެންމެ ގިނައިން ބޭރުކޮށްފައިވާ މަހުގެ ބާވަތަކީ ޕްރޮސެސް ކޮށްފައިވާ ކަޅުބިލަ މަހެވެ.
ރާއްޖެއިން އެންމެ ގިނައިން ޔޫ.އޭ.އީ. އަށް އެންމެ ގިނައިން މުދާ އެތެރެކޮށްފައިވާއިރު ދެވަނައަށް އެންމެ ގިނައިން މުދާ އެތެރެކޮށްފައިވަނީ ޗައިނާއިންނެވެ. އަދި އެންމެ ގިނައިން މުދާ އެކްސްޕޯޓްކޮށްފައިވަނީ އިނގިރޭސި ވިލާތަށާއި ތައިލަންޑްއަށެވެ.
މިއަހަރު ތެރޭގައި 96 އުޅަނދެއް ރާއްޖެ އައިސްފައިވާ ކަމަށާއި 109 އުޅަނދެއް ރާއްޖެއިން ފުރާފައިވާ ކަމަށް އެ އޮތޯރިޓީއިން ހާމަކުރެއެވެ.