ENGLISH

04 އޭޕްރީލު 2025

Advertisement

ހަނިމާދޫ އިންޓަނެޝަނަލް އެއާޕޯރޓުގެ މަސައްކަތް އަންނަ އަހަރުގެ މެދުތެރޭގައި ނިންމާލެވޭނެ: ރީޖަނަލް އެއާޕޯރޓްސް

27 ޑިސެމްބަރު 2024

|

އަހުމަދު ސައީދު

ހަނިމާދޫ އިންޓަނެޝަނަލް އެއަރޕޯޓް ތަރައްޤީކޮށް ނިމުމުން އޮންނާނެ ގޮތުގެ ކުރެހުމެއް.

އިންޑިއާގެ ޖޭއެމްސީ އެކްސްޕޯޓްސްއާ ހަވާލުކޮށްގެން ތަރައްޤީކުރާ ހަނިމާދޫ އިންޓަނެޝަނަލް އެއާޕޯޓުގެ މަސައްކަތް އަންނަ އަހަރުގެ މެދުތެރޭގައި ނިންމާލެވޭނެ ކަމަށް، ރީޖަނަލް އެއަރޕޯޓްސް ކުންފުނީގެ މެނޭޖިން ޑިރެކްޓަރ އަޙްމަދު މުބީން ވިދާޅުވެއްޖެއެވެ.

އެމްއެމްޓީވީގެ "ބޮޑު ޚަބަރު" ޕްރޮގްރާމުގައި ވާހަކަ ދައްކަވަމުން މުބީން ވިދާޅުވީ ބަންދުނުކޮށް އެއާޕޯޓް ތަރައްޤީ ކުރުމުގެ މަސައްކަތް ކުރާތީ އާއި މޫސުން ގޯސްވެގެން އަންނަ ގޮންޖެހުން ތަކާއެކު ވެސް، ހަނީމާދޫ އެއާޕޯޓް ތަރައްޤީ ކުރުމުގެ މަޝްރޫޢުއަކީ ވަރަށް ބާރަށް ކުރިއަށްދާ މަސައްކަތެއް ކަމަށެވެ.

"ޓާގެޓްކުރީ މަރޗް މަހު ހުޅުވަން، އެކަމަކު މޫސުމާއި ކަންކަން ހުރި ގޮތުން ޖޫން ޖުލައި ތެރޭގައި ހަނިމާދޫ އެއާޕޯރޓް ހުޅުވޭނެ،" މުބީން ވިދާޅުވިއެވެ.

އިންޑިއާގެ އެގްޒިމް ބޭންކުން ރާއްޖެއަށް ދީފައިވާ 800 މިލިއަން ޑޮލަރުގެ ކްރެޑިޓް ލައިންގެ ދަށުން، ޖޭއެމްސީއާ ހަނިމާދޫ އެއާޕޯޓް ތަރައްޤީކުރުމުގެ މަޝްރޫޢު ޖޭއެމްސީއާ މަޝްރޫއު ހަވާލުކުރީ 136.6 މިލިއަން ޑޮލަރު (2.1 ބިލިއަން ރުފިޔާ) އަށެވެ.

އެ މަޝްރޫއުގެ ދަށުން 2.46 ކިލޯމީޓަރުގެ އާ ރަންވޭ އަކާއި އަހަރަކު 1.3 މިލިއަން ފަސިންޖަރުންނަށް ޚިދުމަތް ދެވޭވަރުގެ ޒަމާނީ އާ ޓާމިނަލެއްގެ އިތުރުން ޓަވަރާއި ފިއުލް ސޯޓޯރޭޖާއި ހެނގަރާއި ބަނދަރުހެދުމާއި އެނޫން ވަރަށް ގިނަ މަސައްކަތްތަކެއް ކުރަން ނިންމާފައިވެއެވެ.

މުބީން ވިދާޅުވި ގޮތުގައި ރަންވޭގެ މަސައްސަކަތް ނިމިފައިވާއިރު، މިހާރު އެންމެ ބާރަށް ކުރިއަށްދަނީ މަޑިއެއްގެ ބައްޓަމަށް ޑިޒައިންކޮށްފައިވާ ދެ ބުރި ޓާރމިނަލުގެ މަސައްކަތެވެ.

މުބީން ވިދާޅުވީ އެއާޕޯޓުގެ 77 ޕަސެންޓް މަސައްކަތް މިހާރު ނިމިފައިވާ ކަމަށެވެ. މި މަޝްރޫޢުގެ ދަށުން ތަރައްޤީކުރާ އެއަރޕޯޓުގެ ކާގޯ ޓާމިނަލުގެ މަސައްކަތުގެ 90 އިންސައްތަ މަސައްކަތާއި އެއަރޕޯޓް ޓަވަރުގެ 88 އިންސައްތަ މަސައްކަތް ނިންމިފައިވާ ކަމަށް މުބީން ވިދާޅުވިއެވެ.

މުބީން ވިދާޅުވީ ހަނިމާދޫ އެއާޕޯޓުގެ މަސައްކަތް ކުރިއަށްގެންދަނީ، މޯލްޑިވްސް އެއާޕޯރޓްސް ކޮމްޕެނީގެ ވެސް މަޝްވަރާގެ މަތިންނެވެ. އޭނާ ވިދާޅުވީ ހަނިމާދޫ އިންޓަނެޝަނަލް އެއާޕޯރޓް ހިންގާނީ އެމްއޭސީއެލްއިން ކަމަށެވެ.

ހަނިމާދޫ އިންޓަރނޭޝަނަލް އެއަރޕޯޓް ތަރައްޤީކުރުމުގެ ޢަމަލީ މަސައްކަތް ފެށީ 2023 ވަނަ އަހަރުގެ ޖެނުއަރީ މަހު ދެ އަހަރު ތެރޭގައި ނިންމާ ގޮތަށެވެ.

ކިޔުންތެރިންގެ ހިޔާލު