ENGLISH
04 އޭޕްރީލު 2025
ޤައުމީ އުފެއްދުންތެރިކަން 6.5 އިންސައްތަ އިތުރުވެފައިވާކަމަށް މަރުކަޒީ ބޭންކުން ވިދާޅުވެއްޖެ
25 ޑިސެމްބަރު 2024
|
މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ (އެމްއެމްއޭ)-- ފޮޓޯ/ ފައިނޭންޝިއަލް ރިވިއު
އެންމެ މަޤްބޫލު
މި އަހަރުގެ ތިންވަނަ ކުއާޓާރގައި ޤައުމީ އުފެއްދުންތެރިކަން 6.5 އިންސައްތަ އިތުރުވެފައިވާ ކަމަށް މަރުކަޒީ ބޭންކު، މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ވިދާޅުވެއްޖެއެވެ.
އިއްޔެ އާންމު ކުރި އެމްއެމްއޭގެ ކްއާޓަލީ ރިޕޯޓުގައިވާގޮތުން މި އަހަރުގެ ފުރަތަމަ ކުއާޓާގައި ޖީޑީޕީ 7.7 އިންސައްތަ އިތުރުވި ނަމަވެސް ދެވަނަ ކުއާޓާރގައި އިޤްތިސާދު މަޑުޖެހި ޖީޑީޕީ އިތުރުވުން 4.5 އިންސައްތައަށް ދަށްވިއެވެ. ޤައުމީ އުފެއްދުންތެރިކަން އަލުން އިތުރުވާން ފެށީ، ޖުލައިން ފެށިގެން ސެޕްޓެމްބަރުގެ ނިޔަލަށް ހިނގި، ތިންވަނަ ކުއާޓާރގައެވެ.
އެމްއެމްއޭގެ ރިޕޯޓުގައިވާ ގޮތުން ތިންވަނަ ކުއާޓާރގައި ޤައުމީ އުފެއްދުންތެރިކަމަށް އެންމެ ބޮޑު ހިއްސާއެއް ކުރީ ސަރުކާރުގެ ހިންގުމުގެ ދާއިރާއިންނާއި ދަތުރުފަތުރާއި މުއާސަލާތީދާއިރާ އަދި ފަތުރުވެރިކަމުގެ ދާއިރާއަށް އައި ކުރިއެރުމާއި ގުޅިގެންނެވެ.
މާލީ އަދި އިޤްތިސާދީ ހާލަތު އަންގައި ދިނުމަށް ކޮންމެ ތިން މަހަކުން އެއްމަހު ނެރޭ ރިޕޯޓުގައިވާގޮތުން ތިންވަނަ ކްއާޓާރގައި މަސްވެރިކަން ވަނީ ހީނަރުވެފައެވެ. ނަމަވެސް އިމާރާތް ކުރުމާއި ހޯލްސޭލް އަދި ރީޓޭލް ވިޔަފާރީގެ ދާއިރާ ވަނީ ކުރިއަރާފައެވެ.
ފަތުރުވެރިކަމުގެ ދާއިރާ އަށް ބަލާއިރު، މިދިޔަ އަހަރުގެ ތިން ވަނަ ކުއާޓާރއަށްވުރެ މި އަހަރުގެ ތިންވަނަ ކްއާޓާރގައި ރާއްޖެ އައި ފަތުރުވެރިންގެ އަދަދު 10 އިންސައްތަ އިތުރުވެފައިވެއެވެ. މި ކުރިއެރުން ފާހަގަކުރެވިފައިވަނީ ޗައިނާ އާއި ޔޫރަޕުން ޒިޔާރަތްކުރި ފަތުރުވެރިން އިތުރުވުމުންނެވެ. ވެލާނާ އިންޓަރނެޝަނަލް އެއާޕޯޓުގައި މަތިންދާބޯޓުގެ ހަރަކާތްތައް ވެސް ތިން ވަނަ ކްއާޓާގައި ނުވަ އިންސައްތަ އިތުރުވެފައިވެއެވެ.
ތިންވަނަ ކްއާޓާރގައި ހީނަރުކަން އައި މަސްވެރިކަމުގެ ދާއިރާ 44.9 އިންސައްތަ ދަށަށް ދިޔައެވެ. މި މުއްދަތުގައި ކުންފުނިތަކަށް ކިރުވި މަހުގެ އަދާއި ރާއްޖެއިން ބޭރުކުރި މަހުގެ ބާވަތްތަކުގެ އަދަދު ވެސް ވަނީ މަދުވެފައެވެ. ތިންވަނަ ކުއާޓާރގައި 5،662.9 މެޓްރިކްޓަނުގެ މަސް ކިރުވާފައިވާއިރު، އެއީ މިދިޔަ އަހަރުގެ ތިން ވަނަ ކްއާޓާރއާ އަޅާބަލާއިރު 53 އިންސައްތައިގެ ދަށްވުމެކެވެ. މި މުއްދަތުގައި މަސް ކިލޯއެއް ކިރުވާފައިވަނީ 14 ރުފިޔާ އާއި 16 ރުފިޔާ އަށެވެ.
އެމްއެމްއޭގެ ރިޕޯޓުގައި ވިދާޅުވެފައިވާ ގޮތުގައި ތިން ވަނަ ކްއާޓާގައި ބޭންކުތަކުން އަމިއްލަ ފަރާތްތަކަށް 3.3 ބިލިއަން ރުފިޔާގެ ލޯނު ދޫކޮށްފައިވެއެވެ. ދޫކުރި ލޯނުގެ 37 އިންސައްތަ ހިއްސާކުރަނީ ފަތުރުވެރިކަމުގެ ދާއިރާއެވެ. މި ލޯނުތައް ދޫކޮށްފައިވަނީ މައިގަނޑު ގޮތެއްގައި ރިސޯޓް މަރާމާތުކުރުމަށާއި ރިސޯޓް ހިންގުމުގެ ޚަރަދަށެވެ. ތިންވަނަ ކުއާޓާރގެ ނިޔަލަށް 2.5 ބިލިއަން ރުފިޔާ ބޭންކްތަކަށް ސާފު ފައިދާގެ ގޮތުގައި ލިބިފައިވެއެވެ.