އާ އަހަރު ފެށުމާ ދިމާކޮށް ބޭންކް އޮފް މޯލްޑިވްސް (ބީއެމްއެލް) ފަސް ދުވަހަށް ބަންދުކުރަން ނިންމައިފިއެވެ.

ރާއްޖޭގައި އެންމެ ގިނަ ބަޔަކު ޚިދުމަތް ހޯދާ ބޭންކުން ސޯޝަލް މީޑިއާގައި ކުރި ޕޯސްޓެއްގައި ވިދާޅުވީ، ޑިސެމްބަރު 31 ވާ ހޯމަ ދުވަހުން ފެށިގެން 4 ޖެނުއަރީ 2025 ވާ ހޮނިހިރު ދުވަހާ ހަމައަށް ސާވިސް ސެންޓަރުތަކާއި ބޭންކުގެ ބްރާންޗުތައް އަދި މައި އޮފީސް ބަންދުވާނެ ކަމަށެވެ. އާ އަހަރުގެ ބަންދަށްފަހު ބީއެމްއެލް ހުޅުވާނީ، ޖެނުއަރީ 5 ވާ އާދިއްތަ ދުވަހުއެވެ.

އަހަރުގެ ހިސާބުތައް ހަމަޖެއްސުމަށްޓަކައި ކޮންމެ އަހަރެއް ނިމި އާ އަހަރެއް ފެށޭއިރު ބޭންކުތައް ބަންދުކުރެއެވެ.

ފަސް ދުވަހަށް ބީއެމްއެލްގެ އޮފީސްތައް ބަންދުވި ނަމަވެސް، އޭޓީއެމްތަކާއި އިންޓަރނެޓު ބޭންކިން އަދި ކޯލް ސެންޓަރު މެދުވެރިކޮށް ކަސްޓަމަރުންނަށް ޚިދުމަތް ލިބޭނެ ކަމަށް އެ ބޭންކުން ވިދާޅުވެއެވެ.