ENGLISH
04 އޭޕްރީލު 2025
ރާއްޖެ އަކީ ފަތުރުވެރިނަށް އަމާން، ރައްކާތެެރި މަންޒިލެއްކަމުގެ ޔަޤީންކަން ފަތުރުވެރިކަމާ ބެހޭ ވުޒާރާއިން ދެއްވައިފި
25 ޑިސެމްބަރު 2024
|
ރިސޯޓެއްގެ ފާލަމެއް މަތިން ފަތުރުވެރިއަކު ފޮށި ފިހައިގެން ހިނގާފައި އަންނަނީ-- ފޮޓޯ/ ޑެއިލީމިރާ
އެންމެ މަޤްބޫލު
ރާއްޖެ އަކީ ފަތުރުވެރިނަށް ރައްކާތެެރި އަމާން މަންޒިލެއްކަމުގެ ޔަޤީންކަން ފަތުރުވެރިކަމާއި ބެހޭ ވުޒާރާއިން ދެއްވައިފިއެވެ.
ފަތުރުވެރިކަމާއި ބެހޭ ވުޒާރާއިން ނެރުނު ނޫސްބަޔާނެއްގައި ވިދާޅުވީ ޕީޕަލްސް ނޭޝަނަލް ކޮންގްރެސް (ޕީއެންސީ) އިން ހޯމަ ދުވަހުގެ ރޭ ބޭއްވި ޖަލްސާގައި ފަތުރުވެރިކަމާ ބެހޭ ވުޒާރާގެ ސްޓޭޓް މިނިސްޓަރ މުޙައްމަދު ނިހާދު އަމިއްލަ ހައިސިއްޔަތުން ދެއްކެވި ވާހަކަ އަކީ ސަރުކާރުގެ ރަސްމީ ބަހެއް ނޫން ކަމަށެވެ. އެ ޖަލްސާގައި ނިހާދު ވަނީ ރާއްޖޭގެ ރިސޯޓްތަކަށް ޓެރަރިޒަމްގެ ނުރައްކަލެއް އޮތްކަމަށް ވިދާޅުވެ ވާހަކަދައްކަވާފައެވެ.
ފަތުރުވެރިކަމާއި ބެހޭ ވުޒާރާއިން ވިދާޅުވީ ނިހާދު ދެއްކެވި ވާހަކައާ ގުޅިގެން މިހާރު ވަނީ އޭނާ ޒިންމާއިން ސަސްޕެންޑްކޮށްފައި ކަމަށާއި އަދި އޭނާގެ މައްސަލަ އިތުރަށް ބަލަމުން ގެންދާ ކަމަށެވެ.
ފަތުރުވެރިކަމާއި ބެހޭ ވުޒާރާގެ ބަޔާނުގައި ވިދާޅުވެފައިވާ ގޮތުގައި ރައީސް ޑރ. މުޙައްމަދު މުޢިއްޒުގެ ލީޑަރޝިޕްގެ ދަށުން ބައިނަލް އަގުވާމީ މަޤުބޫލު މަންޒިލެއްްގެ ގޮތުގައި ރާއްޖެ ދެމިއޮންްނާނެއެވެ. އަދި ރާއްޖެއަށް އެއް އަހަރު ދުވަހުގެ ތެރޭގައި ޒިޔާރަތްކުރާ ފަތުރުވެރިންގެ އަދަދު ފުރަތަމަ ފަހަރަށް ދެ މިލިއަނަށް އަރާއިރު، ރާއްްޖެ އަކީ ފަތުރުވެރިންނަށް އަމާން، އުފާވެރި މާހައުލަކަށް ހަދައިދެއްވާނެކަމުގެ ޔަޤީންކަން އެ ވުޒާރާއިން ދެއްވައެވެ.
ރާއްޖެއަށް ޒިޔާރަތްކުރާ ފަރާތްތަކަށް އުފާވެރި ހަދާންތައް ރައްކާކުރެވޭނެ މަންޒިލަކަށް ހެދުމަށްޓަކައި ރާއްޖެއަށް ޒިޔާރަތްކުރާ ކޮންމެ ފަރާތަކަށް ވެސް އަމާންކަމާއި، އަޅާލުމާއި ފުރިހަމަ މެހެމާންދާރީއެއް އަދާކުރާނެކަމަށް ފަތުރުވެރިކަމާއި ބެހޭ ވުޒާރާއިން ވިދާޅުވެއެވެ.