ދިވެހިރާއްޖެއިން ފަސް ގައުމަކަށް، ނޮން-ރެސިޑެންޓް ސަފީރުން އައްޔަންކުރުމަށް ރައްޔިތުންގެ މަޖިލީހުގެ ރުހުން ހޯދަން ހުށަހަޅައިފިއެވެ.

ނޮން-ރެސިޑެންޓް ސަފީރުންގެ ގޮތުގައި އައްޔަން ކުރަން ރައީސުލްޖުމްހޫރިއްޔާ ޑރ. މުހައްމަދު މުއިއްޒު ފޮނުއްވި ނަންތައް ރައްޔިތުންގެ މަޖިލީހުގެ މިއަދުވަނީ ހުށަހަޅާފައެވެ.

އެގޮތުން އިންޑޮނީޝިއާއަށް ރާއްޖެއިން ކަނޑައަޅާ ނޮން-ރެސިޑެންޓް ސަފީރު ކަމަށް އައްޔަން ކުރަން ހުށަހެޅީ، މެލޭޝިއާއަށް ރާއްޖެއިން ކަނޑައަޅުއްވައިފައި ހުންނަވާ ސަފީރު ޑރ. މަރްޔަމް ޝަބީނާ އަހުމަދުގެ ނަމެވެ.

މޮރިޓޭނިއާ އަދި ކެންޔާގެ ނޮން-ރެސިޑެންޓް ސަފީރަކަށް އަމީން ޖާވިދު ފައިސަލްގެ ނަން ހުށަހެޅިއިރު ޗެކް ރިޕަބްލިކަށް ރާއްޖެއިން ކަނޑައަޅާ ނޮން-ރެސިޑެންޓް ސަފީރަކަށް ހުށަހެޅީ އާމިނަތު އަބްދުﷲދީދީގެ ނަމެވެ.

މީގެ އިތުރުން ސައުތު އެފްރިކާއަށް ކަނޑައަޅާ ނޮން-ރެސިޑެންޓް ސަފީރު ކަމަށް ހުށަހެޅީ ޑރ. ހާލާ ހަމީދުގެ ނަމެވެ.

މިއަދުގެ ޖަލްސާގައި ވަނީ މި ބޭފުޅުންގެ ނަންތައް ދިރާސާކުރަން ހާރިޖީ ގުޅުންތަކުގެ ކޮމިޓީއަށް ފޮނުވާފައެވެ.