މާލެ ހިޔާ އާއި ސިނަމާލެ ފްލެޓްތަކުގެ ލިފްޓުތަކުގެ މެއިންޓެނެންސްގެ މަސައްކަތް މާލެ ސިޓީ ކައުންސިލުން ބަޔަކާ ހަވާލުކޮށްފި އެވެ.

އިއްޔެ ބޭއްވި ޚާއްސަ ރަސްމިއްޔާތެއްގައި މެއިންޓެނެންސްގެ މަސައްކަތް ހަވާލުކުރީ ކޮންޓެކް ޕްރައިވެޓް ލިމިޓެޑާ އެވެ.

އެއީ ސިނާމާލެ 3, 4 ގެ އިތުރުން މާލެ ހިޔާ 1 އަދި 2ގެ ލިފްޓްތަކުގެ މެއިންޓެނެންސް ބަލަަހައްޓާ ގޮތަށެވެ.

ސިޓީ ކައުންސިލުން ބުނީ އެ މަސައްކަތް ހަވާލުކުރީ ޖީއެސްޓީއާއެކު 79،937.28 ރުފިޔާއަށް ކަމަށެވެ. އެއީ އެއް އަހަރުގެ ދުވަހުގެ މުއްދަތަށް މަހަކަށް 6661.44 ރުފިޔާ އަށެވެ.

މާލެ ހިޔާ އާއި ސިނަމާލެ ފްލެޓްތަކަކީ މާލޭގައި އެންމެ ފުރަތަމަ އެޅި ފްލެޓްތަކެވެ.