ENGLISH
04 އޭޕްރީލު 2025
އިހަވަންދޫގައި ޑޮކްޔާޑެއް ތަރައްޤީކުރުމުގެ މަސައްކަތް އެމްޕީއެލްއިން ފަށަނީ
21 ޑިސެމްބަރު 2024
|
ހއ. އިހަވަންދޫގައި ޑޮކްޔާޑެއް ތަރައްޤީކުރުމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އާއެކު އެއްބަސްވުމުގައި ސޮއިކުރުމަށް ބޭއްވި ރަސްމިއްޔާތު-- ފޮޓޯ/ އެމްޕީއެލް
އެންމެ މަޤްބޫލު
ހއ. އިހަވަންދޫގައި ޑޮކްޔާޑެއް ތަރައްޤީކުރުމަށް އަންނަ އަހަރު ފަށާނެ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ވިދާޅުވެއްޖެއެވެ.
އިހަވަންދޫގައި ޑޮކްޔާޑެއް ތަރައްޤީކުރުމަށް އެމްޕީއެލް އާއި އެރަށު ކައުންސިލާ ދެމެދު މިއަދު ވަނީ ސޮއިކޮށްފައެވެ. މި އެއްބަސްވުމުގައި އެމް.ޕީ.އެލްގެ ފަރާތުން ސޮއިކުރެއްވީ އެ ކުންފުނީގެ ސީ.އީ.އޯ މުޙައްމަދު ވަޖީހް އިބްރާހީމެވެ. އަދި އިހަވަންދޫ ކައުންސިލްގެ ފަރާތުން ސޮއިކުރެއްވީ އެ ކައުންސިލްގެ ރައީސް އަޙްމަދު ޞަބާޙްއެވެ.
އެމް.ޕީ.އެލްގެ ސީއީއޯ މުހައްމަދު ވަޖީހު ވިދާޅުވި ގޮތުގައި އަމާޒަކީ އަންނަ އަހަރުގެ ކުރީކޮޅު ޑޮކްޔާޑްގެ މަސައްކަތް ފައްޓްވައި ހަ މަސް ދުވަހުގެ ތެރޭގައި އެ މަސައްކަތް ނިންމަވާލެއްވުމެވެ. ޑޮކްޔާޑު ތަރައްޤީކުރުމަށް އިހަވަންދޫއިން ދޫކޮށްފައިވަނީ އެއް ލައްކަ އަކަފޫޓުގެ ބިމެކެވެ. ވަޖީހު ވިދާޅުވީ، މި ސަރުކާރުން ބަންކަރިންގެ ޚިދުމަތް ފެށުމާއިއެކު، އިހަވަންދިއްޕޮޅު ހުރަސްކުރާ ބޭރުގެ އުޅަނދުތަކުން ޓެކްނިކަލް އެކިއެކި ކަންކަމަށް ރިކުއެސްޓް އަންނަ ކަމަށެވެ. އެހެންކަމުން މި ޑޮކްޔާޑުން އެ އުޅަނދުތަކަށް ޓެކްނިކަލް ސަޕޯޓް ލިބިގެންދާނެކަމަށް އޭނާ ވިދާޅުވިއެވެ. އޭގެތެރޭގައި ރިޕެއަރ އެންޑް މެއިންޓަނަންސްގެ ޚިދުމަތް ވެސް ފޯރުކޮށްދެވޭނެ ކަމަށް އޭނާ ފާހަގަކުރެއްވިއެވެ.
އިހަވަންދޫ އަކީ ރާއްޖޭގެ އުތުރުގައި އެންމެ މަސްވެރި ރަށެވެ. ވަޖީހު ވިދާޅުވީ އެ ސަރަހައްދަކީ މަސްވެރި އުޅަނދުތައް ގިނަ ސަރަހައްދަކަށްވުމުން އެ ސަރަހައްދުން ޑޮކިންގެ ޚިދުމަތް ލިބޭނެ އިންތިޒާމް ހަމަޖައްސައިދިނުމަށް ގިނަ އަދަދެއްގެ މަސްވެރިން ވެސް އެދޭ ކަމަށެވެ.