ހުޅުމާލެ ފަޅުތެރެއަށް ވަލެއް އެއްސުމަށް ފޭބި ދިވެއްސަކު ގެއްލިއްޖެ އެވެ.

މޯލްޑިވްސް ޕޮލިސް ސަރވިސްގެ މެރިން ޕޮލިސް އިން ވަނީ އެކަން ޔަޤީންކޮށްދީފަ އެވެ. މެރީން ޕޮލިސް އިން ބުނީ މިއަދު އިރުއޮއްސި 6:30 ހާއިރު ހުޅުމާލެގެ ސްޓެލްކޯ އާއި ދިމާލުން ފަޅުތެރެއަށް ވަލެއް އެއްސުމަށް ފޭބި ދިވެހި ފިރިހެނަކު ގެއްލިގެން ހޯދަމުންދާ ކަމަށެވެ.

އަދި ބުނީ އެ މީހާ ހޯދުމުގެ މަސަކަތް މެރިން ޕޮލިސް އާއި ކޯސްޓް ގާރޑް ގުޅިގެން ދަނީ ކުރަމުން ކަމަށް ވެސް ބުންޏެވެ.