މިދިޔަ އޭޕްރީލް މަހު ޕްރޮސެކިއުޓަރު ޖެނެރަލްގެ އޮފީހުން 190 މައްސަލަ ބަލައިގެންފައިވާ ކަމަށް ތަފާސް ހިސާބުތަކުން ދައްކައިފި އެެވެ.

އެ އޮފީހުން މިއަދު ވަނީ އޭޕްރީލް މަހުގެ ތަފާސް ހިސާބުތައް އާންމުކޮށްފަ އެެވެ. ޕީޖީ އޮފީހުގެ އޭޕްރީލް މަހުގެ ތަފާސް ހިސާބުތަކަށް ބަލާއިރުން އެ މަހު 190 މައްސަލަ ވަނީ ބަލައިގެންފަ އެވެ.

އަދި ތަޙުޤީޤީ އިދާރާތަަކަށް 552 ލަފާ ދީފައިވާ ކަމަށެވެ. އަދި 232 މައްސަލަ ވަނީ ކޯޓަށް ހުށައަޅާފަ އެވެ. އޭޕްރީލް މަހުގެ ތެރޭގައި އެ އޮފީހުން ވަނީ 2,710 މައްސަލައެއްގެ އަޑުއެހުމަށް ހާޒިރުވެފަ އެވެ.