ޔުއެފާ ކޮންފަރެންސް ލީގުގައި ރޭ ކުޅުނު މެޗުގައި މާކް ގީއޫ ވައްދާލި ހެޓްރިކާ އެކު ޝެމްރޮކް ރޯވާސް އަތުން 5-1 ގެ ނަތީޖާއަކުން ޗެލްސީ މޮޅުވެއްޖެއެވެ.

މި ނަތީޖާއާއެކު ޗެލްސީން ވަނީ އެ މުބާރާތުގެ ލީގު ފިޔަވަހީގެ ބުރުގައި އެއްވަނަ މަގާމުގައި އޮވެ މެޗުތައް ނިންމާލައިފައެވެ. އެ ޓީމުން ވަނީ ކުޅުނު ހަ މެޗު ވެސް ކާމިޔާބުކޮށްފައެވެ.

ޗެލްސީގެ ސްޓެމްފޯޑް ބްރިޖްގައި ރޭ ކުޅުނު މި މެޗުގައި އުމުރުން 18 އަހަރުގެ ފޯވާޑް، ގީއޫ ހެޓްރިކް ހެދިއިރު، އެ ޓީމުގެ އަނެއް ދެ ލަނޑުޖަހައިދިނީ ކިއެނާން ޑޫސްބަރީ-ހޯލް އާއި މާކް ކުކުރޭޔާ އެވެ.

ޝެމްރޮކްގެ ހަމައެކަނި ލަނޑުޖަހައިދިނީ މާކަސް ޕޫމް އެވެ.

މި މުބާރާތުގައި ރޭ ކުޅުނު އަނެއް މެޗުގައި ވިޓޯރިއާ ޑެ ގިމަރޭޝްއާ 1-1 އިން ވަނީ ފިއޮރެންޓީނާ އެއްވަރުވެފައެވެ.