މި އަހަރު މޮރޮކޯގައި ބޭއްވުމަށް ހަމަޖެހިފައިވާ ބައިނަލްއަޤުވާމީ ޤުރްއާން މުބާރާތުގައި ބައިވެރިވުމުގެ ފުރުޞަތު  ހުޅުވާލައިފި އެވެ.

މޮރޮކޯގައި ބާއްވާ ބައިނަލްއަޤުވާމީ ޤުރުއާން މުބާރާތުގައި ބައިވެރިވުމުގެ ފުރުސަތު ހުޅުވާލައިފި

ކީރިތި ޤުރުއާނާބެހޭ ޤައުމީ މަރުކަޒުން ކޮށްފައިވާ އިއުލާނުގައި ބުނެފައިވަނީ، މިއަރުގެ އޮގަސްޓްމަހު މޮރޮކޯގައި ބޭއްވުމަށް ހަމަޖެހިފައިވާ މި މުބާރާތުގައި ރާއްޖެއަށް ބައިވެރިވުމުގެ ފުރުސަތު ލިބިފައިވާ ކަމަށެވެ. އެގޮތުން ރާއްޖެއަށް ދައުވަތު ލިބިފައިވަނީ މައިގަނޑު ދެ ކެޓަގަރީއަކުން ކަމަށެވެ. އެ މަރުކަޒުން ބުނީ ކޮންމެ ކެޓަގަރީއަކުން ބައިވެރިކުރާނީ އެންމެ ފަރާތެއް ކަމަށެވެ.

ޝަރުތުތައް: 

ކެޓަގަރީތައް: 

އިއުލާނުގައި ބުނެފައިވަނީ މި މުބާރަތުގައި ދެ ޖިންސުގެ ބައިވެރިންނަށްވެސް ބައިވެރިވެވޭނެ ކަމަށެވެ. މުބާރާތަށް ކުރިމަތިލާ ފަރާތްތަކުގެ މެދުގައި އިމްތިހާނެއް ބޭއްވުމަށް އެ މަރުކަޒުން ނިންމާފައިވެ އެވެ. 

މުބާރާތަށް ހޮވޭ ބައިވެރިޔަކީ އުމުރުން 18 އަހަރު ނުފުރޭ ކުއްޖެއްނަމަ، ނުވަތަ އަންހެން ބައިވެރިއެއް ނަމަ، ނުވަތަ ޚާއްޞަ އެހީއަށް ބޭނުންވާ ފަރާތެއްނަމަ، އެ ބައިވެރިޔަކާއެކު އެއް ބެލެނިވެރިއަކު ދިއުމުގެ އިންތިޒާމް މުބާރާތް އިންތިޒާމުކުރާ ފަރާތުން ހަމަޖައްސައިދޭނެ ކަމަށްވެސް އެ މަރުކަޒުން ބުނެއެވެ.

މި މުބާރާތުގައި ބައިވެރިވުމަށް ޝައުޤުވެރިވާ ފަރާތްތަކުން މެއި މަހުގެ ފަސްވަނަ ދުވަހުގެ މެންދުރު 12:00 ގެ ކުރިން، އެ މަރުކަޒުން ކަނޑައަޅާފައިވާ ގޫގުލް ފޯމު ފުރިހަމަކޮށް ހުށަހެޅުމަށް އެދިފައިވެ އެވެ.