ގދ. ގައްދޫގައި ވޯޓާއި ގުޅިގެން ހިނގި ހަމަނުޖެހުން ހައްލުކޮށް އަލުން ވޯޓްލާން ފަށައިފި އެވެ.

ގައްދޫ ސްކޫލުގައި ވޯޓުލުން ކުރިއަށްދަނިކޮށް، ވޯޓު ކަރުދާހުގައި ފާހަގަޖެހުމަށް ތައްޔާރުކޮށްފައިވާ ބޫތެއްގައި، ފާހަގަ ޖާހާއިރު ވޯޓުގެ ސިއްރުކަން ނުހިފޭކަމަށް ބުނެ ބަޔަކު އެތަނަށް ވަދެ ބޫތަށް ބަދަލުގެންނަން އުޅުމުގެ ސަބަބުން ހަމަނުޖެހުމެއް ހިނގި އެވެ. އެއާއެކު ވަގުތުތަކަކަށް ވޯޓްލުން މެދުކަނޑާލަން ޖެހުނެވެ.

ފުލުހުން ބުނީ، މިހާރު ވަނީ އެ ސަރަހައްދު އާންމު ހާލަތަކަށް ގެނެވިފައި ކަމަށެވެ. އަދި އަލުން ވޯޓްލާން ވަނީ ފަށާފަ އެވެ.