މާލޭ ނޯތު ހާބަރުގައި އޮތް ބޯޓެއްގެ ފަޅުވެރިންތަކެއް ހާލުދެރަވެގެން ފަރުވާދެމުންދާކަމަށް ދިވެހި ފުލުހުންގެ ޚިދުމަތުން ބުނެފިއެވެ. 

ފުލުހުން މީޑިއާތަކާ ޙިއްސާކުރި މެސެޖުގައި ބުނީ، ނޯތު ހާބަރުގައި އޮތް ބޯޓެއްގެ ފަޅުވެރިންތަކެއް ހާލުދެރަވެގެން އެހީތެރިކަން ބޭނުންވާކަމަށް ރިޕޯޓްވީ މިއަދު ހެނދުނު 6:35 ހާއިރު ކަމަށެވެ. 

މައުލޫމާތު ލިބިފައިވާ ގޮތުގައި ފަރުވާދެމުންދަނީ "ޑީއެމްއެމްއޭ އެކްސްޕްރެސް 5" ގެ ފަޅުވެރިންތަކަކަށެވެ. 

ފުލުހުން ބުނިގޮތުގައި، ފަޅުވެރިންތައް ފެނުނީ ބޯޓުގައި ޚަބަރު ހުސްވެފައިވަނިކޮށް ކަމަށެވެ. އެއީ ހަތަރު ބިދޭސީންނާއި ދިވެހި ފިރިހެނެކެވެ. އެމީހުންނަށް ފަރުވާދެމުން އަންނަނީ އައިޖީއެމްއެޗްގައެވެ. 

ފުލުހުން އަންނަނީ މި މައްސަލަ ތަހުގީގުކުރަމުންނެވެ.