މިއަދު ކުރިއަށްދާ ތިން އިންތިހާބުގެ ފުރަތަމަ ދެ ގަޑިއިރުގެ ތެރޭގައި 14 އިންސައްތަ މީހުން ވޯޓު ލައިފި އެވެ. 

ވޯޓުލީ މީހުންގެ ނިސްބަތް އާއްމުކޮށް އިލެކްޝަން ކޮމިޝަނުން އާއްމުކޮށްފައިވާ މައުލޫމާތުގައިވާގޮތުން މިއަދުގެ ހެނދުނު 10:00 އާ ހަމައަށް 41،162 މީހުން ވަނީ ވޯޓުލުމުގެ ހައްގު އަދާކޮށްފަ އެެވެ. އެއީ ވޯޓުލެވޭ އާބާދީގެ 14 އިންސައްތަ އެވެ. 

މި 41،162 މީހުންގެ ތެރޭގައި ހިމެނެނީ 16،166 އަންހެނުންނާއި، 24،996 ފިރިހެނުން ނެވެ. ކޮމިޝަނުން އާއްމުކޮށްފައިވާ މައުލޫމާތަށް ބަލާއިރު އަދިވެސް 253،714 މީހުން ވޯޓު ނުލާ އެބަތިއްބެވެ. އެއީ ވޯޓު ލެވޭ އާބާދީގެ 86 އިންސައްތަ އެވެ. 

މި އިންތިހާބުތަކުގައި 294،876 މީހަކަށް ވޯޓުލުމުގެ ހައްގު ލިބިފައިވެއެވެ. އެއީ 150،370 ފިރިހެނުންނާއި، 144،506 އަންހެނުން ނެވެ. 

އިލެކްޝަން ކޮމިޝަނުން ވަނީ ވީހާވެސް އަވަހަށް ނުކުމެ ވޯޓު ދިނުމުގެ ހައްގު އަދާކުރުމަށް ރައްޔިތުންނަށް އިލްތިމާސްކޮށްފަ އެވެ.