ސަރުކާރު ހިންގާ ކޮންގްރެސް ޕާޓީން ކުރަމުން އަންނަ މަސައްކަތްތަކުގެ މައިގަނޑު އަމާޒަކީ ރައްޔިތުންނަށް ހަމަޖެހުމާއި، ތަރައްގީއާއި ރައްކާތެރިކަން ކަށަވަރުކޮށްދިނުން ކަމަށް އިގްތިސާދީ ތަރައްގީއާ ވިޔަފާރިއާ ބެހޭ ވުޒާރާގެ ސްޓޭޓް މިނިސްޓަރު ހުސައިން ޒާހިރު ވިދާޅުވެއްޖެ އެވެ. 

ކޮންގްރެސް ޕާޓީގެ ހދ. އަތޮޅު މާލޭ ޖަގަހަ ހުޅުވުމަށް މިރޭ ބޭއްވި ހަފްލާގައި ވާހަކަދައްކަވަމުން ހުސައިން ޒާހިރު ވިދާޅުވީ ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ތަރައްގީގެ "ކަޅުއޮއްފުންމި" ބޮޑުތިލަދުއްމައްޗަށް އަންނައިރު ކައުންސިލަށް ހޮވަންޖެހޭނީ "ވަލުގައި" ހިފައިގެން ކުރިއަށްދާނެ ބައެއް ކަމަށެވެ. 

ކޮންގްރެސް ޕާޓީގެ ހދ. އަތޮޅު މާލޭ ޖަގަހައާ އެކު ފެށިގެން މި ދިޔައީ ރައްޔިތުންގެ ހައްގުގައި ކުރާ ވަރަށް ބަރަކާތްތެރި މަސައްކަތެއްކަން ހުސަައިން ޒާހިރު ފާހަގަކުރެއްވި އެވެ. 

މައި ދެ އިންތިހާބު އެއް ދުވަހެއްގައި ބޭއްވުމަކީ ރަނގަޅު ވިސްނުމެއްކަމަށް ވިދާޅުވެ ސްޓޭޓް މިނިސްޓަރ ވަނީ ކޮންގްރެސް ޕާޓީގެ ސްޓޭންޑާ އެއްގޮތަށް ދެ އިންތިހާބު އެއް ދުވަހެއްގައި ބޭއްވުމަށް ފެންނަ ކަމަށް ވޯޓު ދެއްވުމަށް ރައްޔިތުންނަށް އިލްތިމާސްކުރައްވާފަ އެވެ.